Pas 48 orësh, ende asnjë qëndrim për ndryshimet kushtetuese/ Lulzim Basha kapet “mat”?

1 Gusht 2020, 12:46, Politikë CNA

Dy ditë më parë, Kuvendi i Shqipërisë miratoi ndryshimet kushtetuese, nëpërmjet të cilave ndalohen koalicionet parazgjedhore si dhe hapen listat.

Pas këtij votimi nga Kuvendi i Shqipërisë, pritej një qëndrim nga ana e opozitës, e cila i kishte kundërshtuar këto ndryshime, por edhe pse po bëhen 48 orë, ende nuk ka një qëndrim zyrtar.

Kreu i Republikës së re, Lulzim Basha pas votimit nga parlamenti, doli në një deklaratë për mediat, ku nuk tha asgjë përveçse vijoi të përsërisë se rotacioni është i pashmangshëm.

Ndërkohë, pas deklaratës së Bashës, ishte Sekretari i Përgjithshëm i PD-së, Gazment Bardhi, i cili deklaroi se PD dhe opozita do të mbajnë qëndrimin zyrtar për vijimin e punës në Këshillin Politik për hapjen 100 % të listave të kandidatëve.

?Nenet e 5 Qershorit për koalicionet parazgjedhore të paprekshme. Nesër qendrimi i opozitës për Këshillin Politik dhe hapjen 100% të listave.

Këto janë nenet e miratuara të Marrëveshjes së 5 Qershorit, që rregullojnë formulën e koalicioneve parazgjedhore me listë të veçantë të partive dhe formulën e ndarjes së mandateve. Këto nuk rihapen dhe janë të paprekshme!

Nesër qëndrimi zyrtar i PD dhe Opozitës së Bashkuar për vijimin e punës në Këshillin Politik për hapjen 100 % të listave të kandidatëve?, shkruante Bardhi dy ditë më parë.

Në fakt kaluan 48 orë dhe ende nuk ka asnjë qëndrim nga opozita dhe natyrshëm lindin disa pyetje për Bashën.

Kur do ta japë qëndrimin opozita? Apo ka ikur me pushime? Është kjo opozitë e cila na tha që do të respektojë marërveshjen e 5 qershorit.

Mos ndoshta Lulzim Basha ka qënë dakort apo ka gënjyer publikisht shqiptarët disa javë dhe ka bërë retorikë boshe politike?

Tani, pas 48 orësh që ka dalë Gazment Bardhi i cili tha se do ta japim nesër, kur do ta japë qëndrimin opozita?

Kjo është një opozitë që tallet me shqiptarët, që thotë sot s?kam qëndrim, do ta jap nesër.

Po pse a nuk e dinte opozita që këta do ta ndryshonin Kushtetutën, për listat dhe koalicionet, ashtu siç kishin paralajmëruar?

Sepse nuk ishin ndërkombëtarët që i propozuan listat e hapura, por ishte vetë Luli që hodhi dorashkën dhe tha se listat i dua 100% të hapura.

Mos vallë listat janë 100% të hapura dhe Luli është përballë këtij fakti dhe tani do që një pjesë të listave do t?i mbajë të mbyllura?

Pse nuk ka një qëndrim publik Lulzim Basha për këtë çështje, port ha se do t?i japë detajet pas 24orësh?

Ku është Luli? Mos vallë ndodhet në Qerret duke u nxirë apo po lahet tek pishinat e vilave të tij luksoze në ?Long Hill??

Shqiptarët dhe demokratët presin reagimin e opoztës. Apo tani pas skandalit të një viti më parë, kur dogji mandatet dhe nuk hyri në zgjedhje, është i detyruar të shkojë si çeçoja me një këmbë në zgjedhje, të pranojë edhe ndryshimet, të cilat në fakt disa kohë më parë ua propozonte vetë ndërkombëtarëve./ CNA.al

?Nenet e 5 Qershorit të paprekshme!?/ PD: Nesër bëjmë publik qëndrimin tonë

Gazi dhe Luli nuk e mbajtën fjalën