web counter
LEXO PA REKLAMA!

SHKARKO APP

App Store
Google Play

Foto-“Një zonjë na ndaloi dhe...”/ Rudina Hajdari tregon ngjarjen me të bijën në plazh dhe premtimi i madh para shqiptarëve

1 Gusht 2020, 13:21, Politikë CNA

Deputetja demokrate Rudina Hajdari ka ndarë me ndjekësit një ngjarje të ndodhur ndërsa ishte në plazh me të bijën e saj, Sihanën.

Në një postim në rrjetet sociale, Hajdari shkruan se teksa po shëtiste në plazh një zonjë e ka ndaluar dhe kërkoi ti falë një balonë vajzës së saj.

Deputetja thekson se bëhet fjalë për një zonjë të quajtur Hate Simoni, e cila prej 20 vitesh siguron jetesen duke shitur me karrocën e saj të mbushur me lodra.

?Teksa po shëtisnin sot në plazhin e Durrësit me Sihanën, një zonjë na ndalon dhe kërkon ti falë një balonë Sihanës.
Hate Simoni është një grua e fortë.
Prej 20 vitesh del me karrocën e saj mbushur me lodra dhe mundohet të ushqejë familjen me ndershmëri.
Sakrificat e saj iu shpërblyen ditën që vajza e saj mbaroi masterin me nota të shkëlqyera.?-shkruan Hajdari.

Por më tej, ajo ngre shqetësimin se në vendin tonë nuk vlerësohet ai që e meriton, por vlerësohet tesera e partisë.

?Por shqetësimi i Hates ishte se vendet e punës nuk i merr merita e djersa e ballit por tesera e partisë apo nepotizmi.
Kjo i shtyn shumë të rinj të largohen nga Shqipëria edhe pse nuk e duan këtë.?-thekson deputetja demokrate.

Më tej ajo shkruan se ?I premtova Hates se do bëj çmos ta ndalim këtë sjellje.
Duhet t’ia kthejmë shtetin qytetarëve të ndershëm e punëtorë si Hate, e t’ua heqim nga duart militantëve e kryetarëve që pasuritë publike e taksat i trajtojnë si plaçkë lufte.
Hate sot i dhuroi një balonë Sihanës të cilën do e ruajmë si kujtim për premtimin që i dhashë.
Nuk ka motivim më të fortë për mua se sa mbështetja e njerëzve të thjeshtë.
Faleminderit Hat!?





Lajmet e fundit nga