Kush dhe pse ju kërkua Gjekmarkajt plotësimi i formularit të kandidimit?

1 Gusht 2020, 15:40, Politikë CNA

Ky është formulari që duhet të plotësojnë degët brenda datës 31 korrik për emrat e propozuar nga baza e partisë.

Sipas udhëzimit ky formular plotësohet nga drejtuesi i degës për secilin të propozuar. Edhe nga formulari kuptohet që të dhënat që kërkohen, bazohen tek dija e drejtuesve të degëve për kandidaturat. Nuk janë formularë vetëkandidimi dhe as formularë kandidimi. Atëherë si e shpjegon Gaz Bardhi e Luli, që po telefonohen emrat e propozuar e ju kërkohet të plotësojnë formularin? Është modeli i zgjedhur nga Gazi Lulit për të larë gojën me kandidaturat? Është testi çapaçul që duhet të kalojnë emrat e propozuar për të provuar sa të zellshëm janë? Apo tallja që ka rezervuar Luli me çapaçulët e tij nëpër Atdhe, për personat e propozuar?

As udhëzimi i Gazit nuk parashikon as plotësim formulari në këtë fazë nga kandidaturat e propozuara nga baza dhe as prononcim të personave në lidhje me pranime apo refuzime kandidimi.

Kështu e ka shkruar Gazi jo CNA.al.

Sipas atij udhëzimi, në këtë fazë plotësohen të dhëna bazike për personat e propozuar nga baza në gjithë Shqipërinë.

Dosjet i përcillen komisionit të posaçëm në selinë e PD.

Përse po kontaktohen atëherë personat e propozuar?

Shikoni me vëmendje formularin dhe vini re tek rubrika punësimi:

“Punë të mëparshme (nëse njihen)”

Dukshëm ky nuk është formular që plotesohet nga vetë personi.

Se nëse do ish kështu nuk do vihej në kllapa shënimi nese njihen.

I zoti i punës, i di punësimet e veta dhe nuk mund të ndodhë që mos ketë dijeni për punët që ka bërë.

Para pak ditësh në një prononcim publik nga profesor Gjekmarkaj kuptuam për shembull që e kishin kontaktuar për të plotësuar formularin e kandidimit!

Sipas informacioneve tona, janë me dhjetra personalitete që janë kontaktuar këto ditë me pretekstin e plotësimit të formularëve të kandidimit.

Ky është formulari që në këtë fazë për kandidatura të propozuara nga degët, plotësohet nga vetë degët.

Të gjithë këta formularë, të përgatitur nga degët në gjithë Shqipërinë i përcillen më pas Besnikut dhe Gencit.

Më tej ne shtator fillon procesi në PD qëndrore.

Nëse kandidatirat kalojnë filtrin e tmerrshem të Gencit dhe Besnikut, i vjen rradha atyre formularëve të tjerë ku ata që pranojnë kandidimin, duhet deklarojnë pastaj emrat e komshinjve.

Sikur mos ishte boll humoristik udhëzimi i Gazit, duhej shtuar në proces edhe humori i drejtuesve të procesit në disa nga degët e PD!/CNA.al