LEXO PA REKLAMA!

SHKARKO APP

"80 milionë euro në vit aq sa vjedh inceneratori i Tiranës"/ Metës i shkon gjuha, ku dhemb dhëmbi

22 Nëntor 2022, 13:51, Politikë CNA

"80 milionë euro në vit aq sa vjedh inceneratori i

Kreu i PL-së, Ilir Meta, në një dalje për mediat ka fajësuar Qeverinë në lidhje me përmbytjet në zonat veriore.

Sipas tij, përmbytja ishte ngjarje e paralajmëruar.

“Tashmë 1685 ha në Bashkinë e Shkodrës të përmbytura, qindra e mijëra shtëpi të rrethuara nga uji, shumë familje të bllokuara, ndërkohë që bashkia e Shkodrës dhe autoritetet vendore nuk u lajmëruan sipas ligjit. Në Shkodër hidrovoret s’kanë qenë në punë për mungesë të energjisë.

Në Lezhë 1300 ha të përmbytura. Kjo situatë kritike është dhe në Fushë-Krujë, 150 ha në Mullqinë dhe Mallkuç. Natyrisht nuk mund të ngelej jashtë përmbytjeve dhe Durrësi, me zonën e ish-Kënetës dhe qendra e betonizuar e këtij qyteti, te Veliera”, është shprehur Meta.

Kreu i PL-së, ka thënë më tej se nuk kishte se si të ndodhte ndryshe kur fondi vjetor i Bordit të Kullimit për Shkodrën, Kukësin dhe Lezhën është 80 mln euro në vit.

“Është aq sa vjedh vetëm për një ditë inceneratori i Tiranës, që nuk ekziston. Dëmet llogariten në qindra mln euro”, tha Meta./CNA.al

Lajmet e fundit nga