web counter
LEXO PA REKLAMA!

SHKARKO APP

App Store
Google Play

E fundit!

x

Adriana Kalaja thirrje të fortë qytetarëve/ “Hajdeni të pastrojmë me themel Tironën tonë”

21 Nëntor 2022, 22:03, Politikë CNA
Adriana Kalaja thirrje të fortë qytetarëve/ “Hajdeni
Adriana Kalaja, kandidatja e primareve të PD-së për Bashkinë e Tiranës

Në një prononcim për CNA.al, kandidatja e primareve të PD-së, Adriana Kalaja, ka treguar gjënë e parë që do të bënte nëse do të fitonte Bashkinë e Tiranës.

Kalaja tha se më kryesorja është zbatimi i ligjit. Më pas ajo deklaroi se do të propozojë ligjin për referendum lokal, shembjen e të gjithë kullave me tritol dhe anullimin e projekteve që sipas saj janë korruptive nga zona e Laprakës, Paskuqanit, 5 Majit, Babrrusë e më gjerë.

“Gjëja kryesore që unë do kthej në Bashkinë Tiranë si kushtin kryesor është zbatimi i ligjit.

Përpos të tjerave, tre vendimet e para që do të marr, nëse marr votëbesimin tuaj, janë:

1. Propozimin e ligjit për referendumin lokal, ku për çdo punë publike dhe për interes publik, në çdo rrugicë apo lagje, vendimin do ta marrin nëpërmjet votës qytetarët e Tiranës.

2. Shembjen me tritol e të gjithë kullave, që janë ndërtuar mbi objekte të trashëgimisë kulturore dhe në zonat historike, dërgimin para drejtësisë të Erion Veliajt dhe të gjithë zyrtarëve të tjerëtë implikuar në këto vepra korruptive, si edhe shpërblimin e dëmit ndaj Buxhetit të Shtetit si përgjegjësi personale e çdo zyrtari në fjalë.

3. Anullimin e projekteve korruptive nga zona e Laprakës, Paskuqan, 5 Maji, Babrru e më gjerë, si edhe fillimin e procedurave për shpërblimin e drejtë në respektim të Kushtetutës të personave, që në mënyrë antiligjore u është prishur objekti,megjithëse kanë qënë në proces legalizimi.

Motoja ime do të jetë: “Zhvillimi i Tiranës kalon nga historia, identiteti dhe trashëgimia kulturore e saj”, u shpreh ajo për CNA.al

Gjithashtu, avokatja bëri edhe një thirrje për qytetarët me shprehjen e nënës së saj.

“Për ta mbyllur do  doja t`ju kujtoja një shprehje, që ma thoshte nëna ime, por që edhe unë më pas e kam ndarë me vajzën time, ashtu si gjithë nënat dhe gratë heroina shqiptare:

Hajde të pastrojmë shtëpinë me themel!

Ndaj unë sot ju bëj thirrje të gjithëve ju:

“Hajdeni të pastrojmë me themel Tironën tonë!”.

E përulur para çdo demokrati për gjithë besimin, që më keni dhënë deri tani, i ftoj ta bëjmë realitet sloganin:

“Tirona - Familja jonë, Tirona - Shtëpia Jonë”.”, theksoi Adriana Kalaja./ B.A. – CNA.al





Lajmet e fundit nga