web counter
LEXO PA REKLAMA!

SHKARKO APP

App Store
Google Play

Kur Berisha kërkonte dorëheqjen e Ilir Metës/ ‘Ka mbushur xhepat me flori ose ka lidhje me mafien’

21 Nëntor 2022, 20:27, Politikë CNA
Kur Berisha kërkonte dorëheqjen e Ilir Metës/ ‘Ka mbushur
Sali Berisha dhe Ilir Meta

Në vitin 2000, kryetari i Partisë Demokratike, Sali Berisha që sot është në aleancë me Ilir Metën, hidhte akuza ndaj këtij të fundit për vjedhjen e Thesarit të Shtetit në tunelet e sigurisë së lartë në Krrabë.

Ndonëse PD-ja kërkonte interpelancë, kryeministri i asaj kohe, Ilir Meta nuk pranonte të diskutonte për këtë çështje në Parlament dhe këtë gjë Berisha e përkthente si përfshirje të Metës në vjedhjen e floririt.

“Meta u deklaroi shqiptarëve se Berisha kishte të drejtë, por nuk u kërkoi të falur atyre për mashtrimin e madh dhe publik që u bëri nëpërmjet zëdhënësit të tij se kanë humbur lingota dhe nuk kanë humbur monedha, se Thesari është vjedhur në mars të vitit 1997 dhe nuk është vjedhur në fund të vitit 1999, se kontollin e kemi bërë në mars, pastaj do të deklaronte se është bërë në prill, ndërkohë që prokuroria ka bllokuar çdo gjë”, shprehej Berisha.

Kreu i demokratëve pretendonte se kryeministri ose kishte mbushur xhepat me flori, ose po heshte për grabitjen për shkak të lidhjeve të krimit dhe të mafies.

“Meta ishte po aq transparent sa çmund të jetë njeriu që ka mbushur xhepat me monedhat e Thesarit ose njeriu, i cili për shkak të lidhjeve të krimit dhe të mafies nuk guxon të denoncojë kusarët e vërtetë të Thesarit.

Në rast se Meta u deklaroi shqiptarëve se ka të drejtë Berisha, atij i takon që më parë të denoncojë publikisht njeriun që braktisi objektin e ruajtjes së Thesarit dhe që krijoi kushtet për grabitjen e tij në bashkëpunim me Guvernatorin Cani”, deklaronte kryetari i PD-së.

Në 23 maj të vitit 2000, gazeta “Rilinda Demokratike” shkruante se Berisha kërkonte me insistim dorëheqjen e Ilir Metës si kryeministër dhe të Shkëlqim Canit si Guvernator të Bankës së Shqipërisë.

Sipas tij, dorëheqja e Metës dhe Canit do të shërbente për zbardhjen e së vërtetës mbi grabitjen e thesarit./ B.A. - CNA.al

Kur Berisha kërkonte dorëheqjen e Ilir Metës/ ‘Ka mbushur





Lajmet e fundit nga