E fundit!

08:22 Aktualitet

Rama publikon mesazhin e emigrantit: Mos e çoni nëpër mend të jepni dorëheqjen

Mëngjesin e kësaj të enjte kryeministri Edi Rama e ka nisu...

Berisha, në zonat e përmbytura/ Akuza Ramës, nuk ndal vjedhjen me energjinë

21 Nëntor 2022, 12:47, Politikë CNA

Berisha, në zonat e përmbytura/ Akuza Ramës, nuk ndal vjedhjen me

Kreu i PD-së, Sali Berisha, ka shkuar sot në Shkodër në qarkun më të prekur nga përmbytjet. Ai është takuar atje me banorë të zonave të cilat janë nën pushtetin e ujit.

“I kam ndjekur me shumë shqetësim dhe vëmendje zhvillimet dramatike.

Erdha këtu për të shprehur solidaritetin për ju dhe të gjithë banorët dhe për kryetarin e bashkisë për punën që po bëni.

Kjo është dëshmi e plotë e papërgjegjshmërisë së këtyre qytetarëve, që mbrëmë kanë hapur tunelet e Komanit, kanë derdhur nga porta e Vaut të Dejës, 2 mijë metër kub në sekondë, përveçse sa kanë derdhur nga turbinat, të gjitha këto se nuk dilnin dot nga skema e vjedhjeve të tyre.

Këto reshje kanë qenë tërësisht dhe plotësisht të parashikuara, qoftë nga Instituti i Gjeoshkencave, që ua ka dorëzuar në zyra këtyre qeveritarëve, që vjedhja ua ka verbuar sytë dhe mendjen, por për hir të së vërtetës, një njoftim jashtëzakonisht serioz ka bërë stacioni meteorologjik italian, që në mënyrë specifike ka parashikuar reshje ekstreme dhe përmbytjet në alpet e veriut”, është shprehur Berisha.

Sipas tij, të gjitha këto nuk kanë mjaftuar për Edi Ramën dhe Belinda Ballukun se ata e kanë mendjen të shfrytëzojnë energjinë për të vjedhur.

“Tani del e thotë që e bëra për të shtuar rezervat, ndërkohë që të gjitha të dhënat tregonin se do të kishte reshje ekstreme, por i kishte sytë te paratë që do vidhnin, që i kishin prokuroria për të blerë 10 milionë euro energji elektrike, nga të cilat së paku 5 milionë i fusin në xhep.

Tani që ka plasur skandali, përpiqen që të mashtrojnë dhe të justifikojnë. E vërteta është se nuk donin të ndalonin vjedhjen”, ka thënë më tej Berisha.

Më tej kreu i PD-së, ka thënë së është njoftuar mbrëmë vonë, shumë vonë, se këta e hapën tunelin, se e kanë në program pune importin dhe nuk e ndërpresin.

“Gjithçka diktohet nga vjedhja.

Ne e kemi deklaruar shumë herë që energjia është shndërruar në një nga mallrat e vjedhjeve më të mëdha.

Kjo ishte absolutisht e parashikueshme, e ndalueshme, nëse do prodhohej energji dhe do ulej niveli.

Energjia nuk kishte nevojë të blihej.

Sot po shesin energji, me një çmim katër herë më të ulët se e blejnë, se e kanë kontratat.

Janë verbuar.

Qeveria ka qëndrim armiqësor të hapur ndaj Shkodrës. Por këtë akt e kanë bërë se janë kapur në flagrancë në një vjedhje të paimagjinueshme”, ka thënë Berisha./CNA.al