web counter
LEXO PA REKLAMA!

SHKARKO APP

App Store
Google Play

E fundit!

x

‘Unë e largoj Veliajn’/ Merkoçi: S’jam përlyer edhe pse më kanë vendosur armën në kokë

19 Nëntor 2022, 19:55, Politikë CNA
‘Unë e largoj Veliajn’/ Merkoçi: S’jam
Fatmir Merkoçi

Fatmir Merkoçi, kandidati për primaret e PD-së për Tiranën, është shprehur me bindje se e largon Erion Veliajn nga bashkia.

Në prezantimin para demokratëve të degës 11, Merkoçi tha se në këtë rrugëtim nuk ka asnjë interes personal.

Ai u shpreh se i ka qëndruar besnik PD-së dhe nuk është përlyer në korrupsion, pavarësisht se sipas tij i kanë vendosur pistoletën në kokë dhe i kanë bërë presion.

“E kam nisur rrugëtimin pa asnjë lloj interesi personal dhe thjeshtë për atë çka më kanë lënë të parët e mi. Gjatë gjithë kohës unë e di shumë mirë që në demokraci duhet të sakrifikosh shumë dhe të mospranosh të korruptohesh, gjë të cilën e kam bërë edhe unë, pavarësisht presioneve dhe pistoletave në kokë. I kam qëndruar besnik PD-së në çdo hap dhe në çdo moment. Prezantohem këtu para një partie të djathtë, pasi e djathta njeh vlerat dhe kontributin. Sepse të godasësh brenda sistemit ku merr pjesë nuk është diçka e vogël.

Kam goditur edhe brenda partisë kur kërkova dorëheqjen e Lulzim Bashës. Unë nuk e kam varur xhaketën në derën e bashkisë. Nëse ju votoni Fatmir Merkoçin në bazën e kontributeve dhe të vlerave, unë Erion Veliajn e largoj. Bashkinë do e drejtojë me politikë. Do të bëjë politika për bashkinë. Nëse ju më votoni mua, unë do të bashkojë partinë. Sepse unë nuk kam armiqësi me asnjë demokrat. Nëse ne bashkohemi fitojmë”, theksoi Merkoçi./ B.A. - CNA.al





Lajmet e fundit nga