web counter
LEXO PA REKLAMA!

SHKARKO APP

App Store
Google Play

“Berisha si Putin”/ Peleshi: Një turp që nuk e meriton Shqipëria

18 Nëntor 2022, 19:29, Politikë CNA
“Berisha si Putin”/ Peleshi: Një turp që nuk e meriton
Ministri i Mbrojtjes, Niko Peleshi

Ministri i Mbrojtjes, Niko Peleshi ka reaguar pasi kreu i PD-së, Sali Berisha ka deklaruar se në datë 6 Dhjetor, në të njëjtën datë që do të zhivllohet samiti BE-Ballkani Perëndimor, do të organizojë protestë.

Për ministrin Peleshi, ky është një turp që nuk e meriton Shqipëria. Në reagimin e tij, ministri e ka krahasuar Berishën me Vladimir Putin, presidentin rus, duke shkruar se, asgjë më shumë se sa kaq nuk do të bënte nëse do të udhëhiqte opozitën shqiptare.

“NJË TURP QË NUK E MERITON SHQIPËRIA

Sot, kur Ballkani Perëndimor ka më shumë së kurrë nevojë për mbështetjen e BE dhe SHBA;

Sot, kur Shqipëria po spikat si vendi lider në orientimin e rajonit drejt perëndimit, pa dilema gjeopolitike;

Sot, kur jemi ulur në tryezën e bisedimeve për anëtarësim të plotë në BE;

Sot, në prag të një ngjarjeje historike të paimagjinueshme për nga forca që i jep rrugëtimit tonë europian - samitit të BE në Tiranë,

Sali Berisha thërret protestë kundër BE, në ditën e samitit.

Asgjë më shumë se sa kaq nuk do të bënte edhe Vladimir Putin nëse do të udhëhiqte opozitën shqiptare.

Një dhurate apo një borxh i vjetër ?

Sidoqoftë këtë faturë nuk mund ta paguajë Shqipëria.

Qëndrimi qytetar ndaj këtij turpi është detyrë e gjithsecilit.

Së pari e pjesës së shëndetshme të PD”, shkruan Peleshi./ CNA.al





Lajmet e fundit nga