web counter
LEXO PA REKLAMA!

SHKARKO APP

App Store
Google Play

E fundit!

x

“Është koha për të bërë gjithçka”/ Meta: Këtë e dinë edhe socialistët e ndershëm

19 Nëntor 2022, 12:05, Politikë CNA

“Është koha për të bërë

Kreu i Partisë së Lirisë Ilir Meta ka zhvilluar sot një takim me strukturat në qytetin e Lezhës.

Gjatë fjalës së tij ai ka nënvizuar ikjen e të  rinjve nga vendi.

"Për të shprehur vullnetin e Partisë së Lirisë dhe vullnetin tim për një Shqipëri që iu përket të rinjve dhe një Lezhë që iu përket të rinjve dhe të rejave. Të gjithë atyre të cilëve duhet tua heqim nga mendja idenë se vetëm largimi nga Lezha dhe Shqipëria mund t’iu japë një jetë më të mirë. Kjo ide është asgjësuese për të ardhmen e Lezhës, të Shqipërisë, për të ardhmen e familjeve shqiptare dhe për të ardhmen e kombit tonë.

Sot dhe Forbes e rendiste Shqipërinë si vendin e tretë në botë sa iu takon të larguarve. Si një vend që ka lënë pas Sirinë, Afganistanin e shumë vende të tjera në gjendje lufte. Shkaqet janë të qarta, pasiguria e madhe për të ardhmen, korrupsioni i jashtëzakonshëm, pamundësia e të rinjve për të pasur një jetë të garantuar, me dinjitet, me paga që garantojnë një dinjitet në shoqëri dhe mundësi për të ndërtuar të ardhmen”, është shprehur Meta.

Sipas tij është koha për të bërë gjithçka që t’i japim fund këtij regjimi shpresëvrasës, që quhet Rilindje.

Meta ka shkuar edhe më tej duke thënë se këtë gjë e kanë të qartë dhe socialistët e ndershëm.

“Ju jeni dëshmitarë të dallimeve të mëdha në të kaluarën dhe të sotmen për sa i takon dëgjimit të zërit të qytetarëve, konsultimit me ta të projekteve të qytetit. Ju jeni dëshmitarë se si janë braktisur fusha e bregut të Matës, e Torovicës, Zadrimës dhe askush nuk punon sepse qeveria e ka braktisur bujqësinë e blegtoraninë jo vetëm në Lezhë.
Përse duhet të eksportojë Maqedonia 3 deri në 4 herë më shumë ushqime, prodhime bujqësore, blegtorale se sa Shqipëria. Në këtë vend pothuajse janë përgjysmuar dhe bagëtitë sepse nuk ka pasur asnjë politikë serioze për mbështetjen e bujqësisë dhe blegtorisë. Ndaj ikin shqiptarët nga kjo mungesë mbështetjeje, nga kjo mungesë perspektive.
Ikin nga mosrritja e pagave. Pse nuk rriten pagat, pensionet, ndihma ekonomike, pse nuk rriten tërë ato elementë të domosdoshëm që garantojnë një stabilitet social. Sepse rriten PPP-të, mjeti më gjakpirës ndaj këtij populli që ka instaluar Rilindja. Vetë MF në një raport thoshte para disa ditës vetëm 70 kontratat nga këto PPP-të kemi arritur të monitorojmë nga 150”, u shpreh Meta./CNA.al





Lajmet e fundit nga