E fundit!

21:01 Aktualitet

Dita e 48 e protestës/ Thirrje për mobilizim përpara Kuvendit më 23 korrik

Protesta qytetare kundër qeverisë ka vijuar ditën e 48-të ...

Manja, dush të ftohtë Shehajt: Dorëzo dokumentet në ILDKPI, trego xhepat para shqiptarëve

17 Korrik 2026, 20:21, Aktualitet CNA

Manja, dush të ftohtë Shehajt: Dorëzo dokumentet në ILDKPI,

Ulsi Manja

Kryetari i Komisionit të Ligjeve dhe deputeti i PS-së Ulsi Manja i ka dhënë një "leksion publik" Agron Shehajt duke e gozhduar për faktet për vilën e tij 251 m2.

Manja thekson se dielli nuk mund të mbulohet me shoshë duke deklaruar se Shehaj ka përfituar 12.1 milionë euro prej 5 vitesh për një vilë.

Manja i kërkon Agron Shehajt të dorëzojë dokumentet në ILDKPKI dhe të bëjë transparencë të xhepave para shqiptarëve të cilët në protesta i printe në ballë si "Kryministër në ardhje" me IA dhe i virgjër ndaj korrupsionit.

Manja nënvizon se nuk ka moral me dy standarde dhe se Shehaj duhet të provojë ligjshmërinë.

“Gone, dielli nuk mbulohet me shoshë!

Kamera në dorë live nëpër komisione e seanca, gjoja në emër të “transparencës” dhe “luftës kundër korrupsionit”… por kur vjen puna te llogaritë e tua, kamera fiket…

12.1 milionë euro fitim brenda 5 vjetësh, për një vilë 251 m². A ka miniera floriri nën atë pronë, Gone, apo diçka tjetër që s’na e ke thënë akoma?

Nuk të gjykoj pse ke biznes, as nëse do të bësh agjentin imobiliar apo ta kthesh partinë tënde private “Mundësia” në zyrë ndërmjetësimi — bëj çfarë të duash brenda ligjit. Por shqiptarëve u ke borxh transparencën, se ua ke shpuar veshin prej kaq vitesh; s’ka moral me dy standarde.

Dorëzo letrat në ILDKPKI. Provo ligjshmërinë. Ndize kamerën edhe për veten Gone, jo vetëm për të tjerët.

Deri sa ta bësh këtë, gjithë ajo frymë që ke harxhuar për transparencë dhe luftë kundër korrupsionit është thjesht shoë-i yt dhe i atij rrezikziu Kaprit, të cilit i është mbushur mendja se ti je monument i ndershmërisë!

Po të presin shqiptarët t'ju tregosh xhepat Gone, sidomos ata të protestës, të cilëve ju prije në ballë si "Kryministër në ardhje" me IA dhe i virgjër ndaj korrupsionit!

Mashtrimi është rrugë e shkurtër Gone dhe kaq besoj e ke mësuar dhe në Itali!

Jemi në pritje Gone, madje edhe unë "prokurori politik”, sipas etiketimit tënd!”, thekson UIsi Manja./ CNA