web counter
LEXO PA REKLAMA!

SHKARKO APP

App Store
Google Play

E fundit!

x

“Nëse ke lindur i varfër në Shqipëri mbetesh i tillë”/ Tabaku ankohet te "BBC"

22 Nëntor 2022, 11:09, Politikë CNA

“Nëse ke lindur i varfër në Shqipëri mbetesh i

Mediat britanike po i kushtojnë reportazhe të herëpashershme largimit masiv të shqiptarëve drejt Mbretërisë së Bashkuar.

Një ditë më parë "BBC" ka publikuar intervistën e një shqiptari, i cili ishte larguar nga Shqipëria drejt Britanisë duke u shprehur se ai do të donte të mos kishte provuar kurrë të hynte ilegalisht në Britaninë e Madhe.

Gjatë reportazhit, "BBC" zhvilloi dhe një intervistë me deputeten e PD-së, Jorida Tabaku, e cila argumentoi disa nga shkaqet që kanë ndikuar në largimin e shqiptarëve nga vendi i tyre drejt Mbretërisë së Bashkuar.

Tabaku ka shfrytëzuar rastin të ankohet.

Sipas saj një nga shkaqet i largimit të të rinjve shqiptarë është korrupsioni që ka prodhuar një sërë problemesh të tjera si mungesën e oportuniteteve.

“Ne, si politikanë, duhet ta pranojmë se kjo është e lidhur me korrupsionin e madh dhe sidomos në veri të vendit është e lidhur me mungesën e oportuniteteve. Dhe kjo është diçka që i takon qeverisë ta adresojë”, është shprehur Tabaku.

Deputetja e PD-së tha për "BBC" se të rinjtë shqiptarë besojnë se sistemi në Shqipëri nuk është i drejtë dhe se meritokracia nuk ekziston, rrjedhimisht ata s’mund të kenë shanse ekonomike.

 “Nëse ke lindur i varfër në Shqipëri mbetesh i tillë pavarësisht se sa shumë punon”, tha Tabaku.

E pyetur më tej se cilat janë shkaqet e tjera që detyrojnë shqiptarët të përdorin rrugët ilegale drejt Mbretërisë së Bashkuar, ajo theksoi se përtej mungesës së sundimit të ligjit, moszbatimit të ligjit nga policia dhe rojet kufitare në vendin tonë një arsye janë dhe vështirësitë që hasin qytetarët për të fituar të drejtën e punësimit në Mbretërinë e Bashkuar.

Ajo theksoi se qeveria duhet ta pranojë këtë si problem dhe më pas të shohë rrugën për ta zgjidhur. Nuk mund të flasim për zgjidhje të një problemi që qeveria nuk e njeh.

“Duhet të kemi një sistem brenda kornizave ligjore ashtu që këta persona mos të detyrohen të largohen në këtë mënyrë. Duhet të kemi një procedurë më të përshpejtuar në Mbretërinë e Bashkuar, siç fjala vjen kemi me vendet e BE-së”, tha ndër të tjera Tabaku./CNA.al





Lajmet e fundit nga