LEXO PA REKLAMA!

SHKARKO APP

“Inceneratori i Tiranës emblemë korrupsioni”/ Akuza të forta ndaj Erion Veliajt

20 Dhjetor 2021, 11:18, Politikë CNA
“Inceneratori i Tiranës emblemë korrupsioni”/ Akuza

Deputetja e Partisë Demokratike, Jorida Tabaku i është rikthyer akuzave për koncesionet e inceneratorëve.

Nga foltorja e Kuvendit, Jorida Tabaku është ndalur tek koncesioni i inceneratorit të Tiranës, të cilin e ka cilësuar si emblemë të korrupsionit dhe pastrimit të parave.

Tabaku ka hedhur akuza të forta në drejtim të kryebashkiakut të Tiranës, Erion Veliaj, për të cilin tha se duhet të dalë para drejtësisë.

?Emblema e korrupsionit dhe pastrimit të parave është inceneratori i Tiranës. Vlera reale e tij është 430 milionë euro.

Ai që është në krye të bashkisë së Tiranës, nuk e dërgoi në këshillin bashkiak.

Por me firmë të tij, mori përsipër jo vetëm plehrat e Tiranës, por edhe të Kamzës, Vorës, Rrogozhinës, Kavajës, dhe Vorës, pa i pyetur fare kryetarët e bashkive.

Pse nuk është ai para drejtësisë?

Inceneratori i Tiranës ka investuar vetëm 31 % te vlerës.

Pse nuk janë para drejtësisë??-tha ndër të tjera Tabaku./CNA.al

Lajmet e fundit nga