LEXO PA REKLAMA!

SHKARKO APP

Rama jep lajmin e mirë/ Kategoritë që përfitojnë dyfishim të ndihmës ekonomike

20 Dhjetor 2021, 09:28, Politikë CNA

Kryeministri Edi Rama ka bërë të ditur se duke filluar nga muaji janar 2022, do të ketë dyfishim të ndihmës ekonomike, për një sërë kategorish.

Nga foltorja e Kuvendit, Rama dhe se do të ketë dyfishim të ndihmës për nënat me tre fëmijë, për gratë dhe vajzat e dhunuar, për nënat me fëmije me aftësi ndryshe dhe për jetimët që janë në skemën e ndihmës ekonomike.

?Po ndihem mirë që në seancën e fundit dhe në prag të festave të fundvitit mund të përcjellim si fakte dhe jo më si qëllime disa ndryshime të rëndësishme, si edhe një ndryshim tjetër të rëndësishëm që do votohet sot. Duke nisur nga janari të gjitha nënat me tre ose më shumë fëmijë do të përfitojnë 2-fishin e ndihmave, sic do përfitojnë të gjitha vajzat e dhunuara apo të trafikuara, po ashtu edhe jetimët që përfshihen në skemën e ndihmës ekonomike.

Por, këtyre ju shtohet edhe një kategori tjetër: Fëmijët e Republikëns së Shqipërisë. Sot do miratohet një statut i ri për të gjithë fëmijët e dëshmorëve të atdhetut, të mjekëve apo infermierve që kanë humbur jetën në luftë me pandeminë, të gjithë ata që kanë humbur jetën duke mbrojtur jetën e dikujt tjetër. Nëpërmjet kësaj nisme të re të qeverisë, që nga sot kthehet në ligj, shteti merr në patronazh këta fëmijë për të lehtësuar pëballimin e vijueshmërisë së jetës në mungesë të njërit prind. Kjo përfshin një pagesë mujore llogaritur mbi bazën e pagesës që ka pasur prindi që ka humbur jetën.?-tha Rama.

Më tej, Rama i ka drejtuar një thirrje deputetëve, që të votojnë unanimisht ligjin, për buxhetin 2022.

?Do kishte qënë mirë që këtë ta bënin më parë, por gjithcka varet nga mundësit, edhe për sa i përket rritjes e kapaciteteve për të mbështetur ata që kanë nevojë për paga më të larta apo për pensione më të larta. Nuk mund të rikthejmë prindin por është shteti që të paktën jua siguron aspektin material njësoj si të ishte prindi gjallë.

Pavarëisht faktit se do marrin këtë ,mbështetje materiale ata do përfitojnë bursa për arsimin fillor deri në gjimnaz, po ashtu nuk do të paguajnë pagesat për tarifat univeristare.

Personi që merr statusin: Fëmijë në kujdesin e Republikës merr gjithashtu edhe mbështetje kryesisht simbolike. Shumë të vetëdijshmë për ata që dhanë jëtën në akte heroizmi, sakrifikimi dhe i dhanë mundësinë e jashtëzakonshme jetës dhe mbrojtjes së jetës së të tjerve.

Kjo qeveri përmes shumicës këtu në sallë do japë mbrojtje të panjohur më parë, të gjithë fëmijëve të tyre. Ftoj dy deputetët në këtë sallë të votojnë unanimisht këtë ligj sepse është detyrim jo vetëm si deputet por edhe si prind?-tha Rama./CNA.al

Lajmet e fundit nga