web counter
LEXO PA REKLAMA!

SHKARKO APP

App Store
Google Play

E fundit!

x

Basha shton tentativat për të mashtruar publikun

19 Dhjetor 2021, 19:38, Politikë CNA

Në harkun kohor të një jave, zhvillimet në selinë blu ngjallën reagim tek demokratët dhe jo vetëm.

Në datën 11 dhjetor, ish kryeministri Sali Berisha  mblodhi Kuvendin Kombëtar në ambientet e stadiumit Air Albania, pas kërkesës së firmosur nga 4200 delegatët.

Në këtë Kuvend, ku morën pjesë rreth 5000 delegatë e dhjetra simpatizantë, Lulzim Basha u shkarkuar si kryetar i PD me votim të fshehtë me plot 4446 vota.

E ndërkohë që mbështetja e madhe që Berisha kishte në Kuvend, u pasqyrua në referendumin e mbajtur në datën 18 dhjetor. Në të njëjtën datë, kryetari i shkarkuar i PD Lulzim Basha, mbajti Kuvendin e tij në ambientet e Pallatit të Kongreseve.

Një Kuvend me mashtrime publike dhe skandal pas skandali tregoi qartë mbështetjen që ka Luli.

Ndonëse kapaciteti i Pallatit të Kongreseve është 2100 vende, Basha dhe Jemin Gjana mashtruan qytetarët duke thënë se të pranishëm ishin 5004 delegatë. Në një sallë të mbushur me militantë të PS, fëmijë, apo edhe punonjës të UET, Basha nuk kishte kuorumin e nevojshëm për të marrë vendimet.

Por sikur të mos mjaftonte kjo, Basha vijon të manipulojë publikun. Pas blerjes së audiencën me njerëz nga Bangladeshi, Luli vijon të shpenzojë edhe për postimet që bën.

Në faqen e tij në Facebook, teksa ka publikuar disa foto nga ?Kuvendi? i djeshëm, ai e ka bërë me sponsorizim, për t?iu shfaqur në profil edhe personave të tjerë që nuk e ndjekin.

Por Luli nuk është i vetmi. Ai ja ka ?futur në gjak? sponsorizimin edhe njërëzve të tij. Të njëjtën gjë ka bërë edhe Endri Hasa, apo sekretari i përgjithshëm i shkarkuar Gazment Bardhi.

Por një gjë është e qartë: Pavarësisht mashtrimeve apo skandaleve që nuk kanë të mbaruar, Basha është braktisur nga demokratët. Këtë gjë e tregoi votimi i djeshëm, ku numri i atyre që votuan për shkarkimin e tij ishte dy apo tre fish më i lartë se numri i votave që ai ka marrë për emërimin në krey të PD./E.K-CNA.al





Lajmet e fundit nga