E fundit!

13:34 Aktualitet

Krimi në Maliq, Lamallari dhe Hita nisen drejt Korçës/ Ministri tregon gjendjen e efektivit të plagosur

Ministri i Brendshëm, Besfort Lamallari ka vizituar efekti...

Afera e inceneratorëve/ Kush janë përgjegjësit e tjerë që duhet të dalin para drejtësisë

19 Dhjetor 2021, 15:45, Politikë CNA

Afera e inceneratorëve, për të cilën është arrestuar ish ministri i LSI Lefter Koka ka filluar të zgjojë opozitën.

Nënkryetarja e shkarkuar e PD Jorida Tabaku, ka bërë thirrje për hetime të më tejshme të kësaj afere, ndërsa thekson se sit kemi vetëm një të arrestuar, ndërsa personat e tjerë që janë të përfshirë vijojnë të jenë të lirë.

Përmes një statusi në rrjetin social Facebook, Tabaku shkruan se afera e inceneratorëve është një aferë kriminale e organizuar dhe zbatuar nga një grup i strukturuar kriminal që sipas saj, qendër operacionale ka institucionet e qeverisë.

?Hetoni Grupin e Strukturuar Kriminal pas Inceneratorëve!

Afera e inceneratorëve nuk është një aferë kriminale mes dy individëve.

Përkundrazi ajo është një aferë kriminale e organizuar dhe zbatuar nga një Grup i Strukturuar Kriminal që ka pasur për qendër operacionale institucionet e qeverisë shqiptare.

Sot kemi vetëm një të arrestuar që ka qenë pjesë e këtij Grupi të Strukturuar Kriminal.

Ndërkohë që kemi së paku 2 ish ministra, Ahmetaj dhe Gjiknuri, që gjezdisin të lirë ndonëse kanë përgjegjësi.

Të lirë vazhdojnë të jenë Stela Gugallja, bashkëshorti i saj Klodian Mërtiri dhe Klodian Zoto pasi ato janë lajmëruar më herët për këto arrestime dhe janë zhdukur.

Të lirë vazhdojnë të jenë edhe Qazim Sejdini i Elbasanit, Armando Subashi i Fierit dhe mbi të gjitha Erion Veliaj i inceneratorit të Tiranës.

Së fundi, por jo nga rëndësia, i lirë mbetet edhe njerëzit kyç të gjithë kësaj afere kriminale, Sekretari i Përgjithshëm i Kryeministrise, Engjell Agaçi dhe Edi Rama.

Ne nuk tërhiqemi nga hetimi i plotë i kësaj afere kriminale për tia sqaruar shqiptarëve si janë vjedhur.

Javën që nis Komisioni Hetimor i Inceneratorëve mblidhet për të miratuar planin e hetimit dhe nisur shkresat e radhës!

SPAK mos të mjaftohet me Lefter Kokën që nuk është koka por bishti!?, shkruan Tabaku./E.K-CNA.al