web counter
LEXO PA REKLAMA!

SHKARKO APP

App Store
Google Play

Mashtrimi publik i Bashës me pjesëmarrjen në Kuvend

19 Dhjetor 2021, 16:02, Politikë CNA

Për pjesën më të madhe të deputetëve dhe demokratëve, ?Kuvendi? i mbajtur nga kryetari i shkarkuar Lulzim Basha në Pallatin e Kongreseve ishte sa tragjike aq edhe komike.

Të njëjtën gjë pohoi edhe deputeti Tritan Shehu.

Në një postim në rrjetin social Facebook, Shehu shkruan se qarku i Gjirokastrës ka 345 delegatë, duke iu referuar listës së përgatitur nga vetë mbështetësit e Bashës për zgjedhjet kur ky i fundit u zgjodh kryetar. Nga ky numër, ai thekson se vetëm 51 persona kanë shkuar në Tiranë, ndërsa pret publikimin e listës nga Basha për të vërtetuar emrat.

Sfida e deputetit demokrat nxjerr edhe një herë në pah pashtimin publik të Lulzim Bashës.

Postimi i plotë i Shehut:

Tragjiko-komedia e ?kuvendit? të djeshëm në Pallatin e Kongreseve!

Mjafton të lexosh shifrat e vetëm Qarkut të Gjirokastrës, kupton fallcitetin e atij aktiviteti.

Qarku i Gjirokstres ka 345 delegatë sipas listës të dërguar nga PD aty për Kuvendin e Korrikut, pra e pregatitur nga organizatorët e atij pseudo kuvendi të datës 18 Dhjetor.

Kjo është e vetmja listë zyrtare dhe e pa ndryshueshme në tërrësinë e saj.

Nga këta 345 dje morën pjese në Tiranë vetëm 51.

Këta janë delegatët, që plotesojnë korumin dhe mund të votojnë, të tjerët ishin?..

Jam i bindur se e tillë pak a shumë paraqitet gjendja edhe për qarqet e tjerë.

Në lidhje me atë që po deklaroj, zotëroj emrat e secilit delegat degë për degë, që dje ishte në Tiranë.

Jam në pritje që organizatorët e atij aktiviteti pa fizionomi, të publikojnë listat e tyre të pjesëmarrësve.

Këto janë çështje serioze, të rendesishme dhe askush nuk mund të lozë kështu me demokratët!

Mjaft është mjaft, ka ardhur koha për ta thënë këtë!/E.K-CNA.al





Lajmet e fundit nga