E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

“Inceneratori i Tiranës, një histori vjedhje dhe korrupsioni”/ Tabaku rendit faktet

12 Tetor 2020, 12:14, Politikë CNA

Ish deputetja e PD, Jorida Tabaku thotë se inceneratori i Tiranës është një histori vjedhje dhe korrupsioni.

Sipas saj, sa më shumë të gërmosh aq më shumë prova zbulon për këtë çështje, të cilën Tabaku e quan krim korruptiv. Përmes një postimi në rrjetet sociale ajo ka shpjeguar shpjegoj faktet përballë shpikjeve

?- Një kompani guackë me qendër në parajsa fiskale pa asnjë ditë eksperiencë në fushën e mbetjeve dhe në shkelje të çdo ligji për prokurimet sot duhet të kishte mbyllur gojën, por del dhe flet për një koncesion që paguhet me paratë e buxhetit sikur t?i kish paratë personale.
– Skema përmes së cilës mbetjet e Durrësit u dërguan në Inceneratorin e Tiranës është tipike mafioze. Siç edhe investgimi i BIRN zbulon, fillimisht qeveria kërcënoi dhe detyroi mbylljen e vend-depozitimit të Porto Romanos, pastaj e mbyti qytetin në plehra ndërsa i bënte bashkisë presion që këto mbetje të dërgoheshin tek inceneratori Tiranës. Sipas vetë përllogaritjeve të bashkisë Durrës, në 5 vitet e ardhshme kostot për këtë lëvizje të detyruar nga qeveria-PPP janë rreth 14 mln euro.
– Nëse vëllezërit tanë nga Kosova gjatë fatkeqëssië së tërmetit erdhën dhe madje paguan taksën e Rrugës së Kombit për të sjellë ushqime dhe njësi shpëtimi, qeveritarët që fshihen pas inceneratorëve e taksuan bashkinë e drobitur të Durrësit me 24 euro për ton për lëvizjen e inerteve. Fytyra e vërtetë e atyre që edhe në tragjedi bëjnë biznesin e preferuar, rrjepjen e shqiptarëve.
– Sot e kësaj dite inceneratori i Tiranës po manaxhon plehrat e Durrësit ndërsa qytetarët e Durrësit shumë shpejt do të vuajnë mbi kurriz rritjen e tarifave të pastrimit. Shifrat e buxhetit flasin vetë
– Sakaq, sipas të dhënave të ministrisë së Financave dhe Ekonomisë, kompania e inceneratorëve duhet të investonte për periudhën 2018-2019 vlerën e 93 mln eurove por në të vërtetë ajo ka investuar vetëm 12 mln euro (12% të vlerës që duhet të kishte investuar)?, shkruan Tabaku.

Më tej ajo thekso se banorët dhe bizneset e Tiranës shohin shtrenjtimin me mbi 30% të tarifës së pastrimit vetëm nga kjo PPP.

?Një biznes i vogël paguan 1500 lekë më shumë, një biznes i madh paguan 7500 lekë më shumë ndërsa bizneset e mesme paguajnë 11 mijë lekë më shumë. Vetëm biznesit tarifat I janë rritur 15% pa përllogaritur kostot për qytetarët e Tiranës të cilët praktikisht vidhen dy herë, në fillim nga paratë e buxhetit të shtetit që shkojnë për inceneratorin e Tiranës (vlera totale 400 mln euro) dhe së dyti nga tarifa e rritur abuzivisht që shkon po për inceneratorin e Tiranës. Me të dy duart në xhepat e varfër të shqiptarëve.
Prandaj nuk përbën ndoshta habi, ngatërrimi i administratores së kompanisë pas të cilës fshihen pronarët Mireli-Ahmetaj-Rama, e cila nuk dallon dot ende se kush janë paratë e shqiptarëve dhe kush ato të kompanisë së inceneratorëve. Ajo na tregon se si tanimë haptazi qeveria-PPP dhe anëtarët e saj nuk po bëjnë më dot dallim se kush janë paratë e tyre dhe kush të shqiptarëve?, përfundon Tabaku./CNA.al