LEXO PA REKLAMA!

SHKARKO APP

INCENERATORI I TIRANËS nga skandali në skandal/ Si u zhytën institucionet shtetërore në një aferë korruptive

1 Shkurt 2022, 10:57, Denoncim CNA

Raporti i performarncës kryer nga KLSH së fundi në lidhje me konçesionin  e inceneratorit të Sharrës ka nxjerë zbuluar Ministrinë e Mjedisit dhe ka faktuar një zinxhir skandalesh në këtë aferë korruptive ku janë përfshirë disa institucione shtetërrore.

Sipas të dhënave zyrtare siguruar nga CNA.al, në raport theksohet se ?pavarësisht ndërhyrjes post factum të organizatave mjedisore dhe organizatave të riciklimit në Shqipëri, mungesa e përfshirjes së tyre si palë interesi të lidhura ngushtësisht me objektin e koncesionit, nuk legjitimon veprimet e Ministrisë së Mjedisit për mos shqyrtimin dhe mos konsultimin e projektit koncesionar që në fazën e studimeve të fizibilitetit në trajtën e konsultimeve me publikun apo grupet e interesit?.

Raporti thekson faktin se Ministria e Mjedisit ka vepruar me nxitim duke gjetur zgjidhjen e inceneratorëve pa pyetur palët e interesura dhe pa marrë mendimin e plotë të tyre. Gjithashtu është konstatuar se kostot e incenerimit janë të larta dhe pasojat në buxhetin e shtetit mund të jenë me qindra milionë euro.

Institucionet qëndrore nuk janë dakordësuar dhe nuk kanë kthyer përgjigje pozitive tek Ministria e Mjedisit kur kjo ka kërkuar mendim. Gjithashtu kjo ministri ka çuar sërish shkresa për të bërë të munduar marrjen e mendimit pozitiv, kjo tregon qartazi se pas refuzimit apo heshtjes një urdhër tjetër ka detyruar shumë institucione të ndryshojnë mendim.

KLSH raporton se, ?Mungesa e dakortësisë se institucioneve qendrore, fushëveprimtaria e të cilave lidhet ngushtesisht më objektin e projektit koncesionar, devijon procesin e rregullt të miratimit mbi këto nisma duke sjellë mungese eficience dhe identifikim të risqeve potencial?.

Një problematikë tjetër e konstatuar është edhe statusi juridik i pronës ku do investohet. Qeveria më pas është detyruar të paguajë mbi 2 milionë euro për shpronësime në këtë zonë.

Në raport theksohet se, ?mungesa e informacionit paraprak mbi statusin juridik të prones ku do të investohet projekti koncesionar për ndertimin e landfillit, inceneratori dhe rehabilitimi i venddepozitimeve ekzistuese Tiranë, propozuar nga operatori ekonomik “Integrated Energy B.V”, sjele rritje të kostos?.

KLSH konstaton në raportin e performancës se ?Si pasojë ë veprimeve dhe mos veprimeve si dhe shmangies nga detyrimet e përcaktuara në kontratë si nga AK ashtu edhe nga Koncensionari, janë shkaktuar vonesa të konsiderueshme në afatin e fillimit dhe vijimit të punimeve të projektit.

Edhe pas fillimit të punimeve, pjesa më e madhe e Loto-eve janë jashtë afateve të përcaktuara në Grafikun e Punimëve, si pasojë e të cilave ende nuk kemi në pordorim një implant për trajtimin e mbetjeve dhe prodhimin e energjisë“.

KLSH në një raport me mbi 50 faqe ka mundur të zbulojë shkelje ligjore dhe abuzime të cilat fillojnë që nga propozimi, gara dhe deri tek situata aktuale ku qeveria dhe Bashkia e Tiranës kanë paguar 40 milionë dollarë për incenerimin e mbetjeve dhe incenerator nuk ka./CNA.al

51 fakte dhe dokumente për aferën e inceneratorëve

RAPORTI I KLSH/ Inceneratori i Tiranës u kundërshtua nga institucionet shtetërore, kosto dhe risk i lartë

Raporti i ri i KLSH/ Miliona për inceneratorin inekzistent, provohet vjedhja kolosale  

Foto lajm/ Ku është inceneratori?

AFERA 128 milionë euro/ 13 shkelje ligjore në njoftimin e Kontratës

Koncesioni 128 milionë euro/ Zbulohen kompanitë në Hollandë me drejtorë Rusë

Lajmet e fundit nga