LEXO PA REKLAMA!

SHKARKO APP

Alibeaj duhet të sillet si Kryetar/ Të urdhërojë kandidime të deputetëve për Kryetar Bashkish

26 Mars 2023, 21:33, Editorial CNA

Alibeaj duhet të sillet si Kryetar/ Të urdhërojë kandidime

Që prej datës 14 Mars Enkelejd Alibeaj ka marrë të çertifikuar jo vetëm Vulën e PD, por edhe karrigen e Kryetarit të PD si ushtrues i detyrës.

Si i tillë u pranua nga Gjykata dhe nga Komisioni Qendror i Zgjedhjeve.
Dita e hënë është afati i fundit për dorëzimin e listave me kandidatët për Kryetarë Bashkish në 61 Bashki si dhe për kandidatët për Këshilltarë Bashkiak.

Enkelejd Alibej, pritet që në date 15 Maj, (pra 1 ditë pas zgjedhjeve lokale, kur Gaz Bardhi të hapë garën për Kryetarin e ri të Partisë), të kandidojë edhe për ta marrë me votë karriken e kryetarit.

Por ndërkohë lajmet që vijnë nga selia e Alibeajt nuk janë shumë entuziaste.

Kandidatët që Alibeaj ka bërë publik deri tani janë 17.

1. Mallakastër- Agron Kapllanaj
2. Poliçan - Florian Qamo
3. Kuçovë - Ilirjan Koxhaj
4. Kamëz - Bilbil Bajraktari
5. Lezhë - Sandër Marku
6. Krujë - Sabah Sheta
7. Dibër - Naim Gazidede
8. Kurbin- Genc Doçi
9. Dimal- Dritan Sula
10. Patos- Pranvera Rizai
11. Vaut i Dejës- Klomentina Drini
12. Fier -Eriselda Zotaj Çelaj
13. Librazhd -Bujar Vreto
14. Vorë- Ibrahim Bruka
15. Korçë -Gjergji Gjata
16. Sarandë- Skënder Muço
17. Mirditë Mark Ruçi

Ndërkohë sipas burimeve drejtues të disa degëve të PD në Tiranë kanë kërkuar që PD të kandidojë me një deputet të qarkut Tiranë. Kandidati i Foltores lëshoi mandatin për bashkinë Tiranë!

Pasi të zgjidhi Tiranën Alibeajt i mungojnë edhe 43 kandidatë të tjerë!

Përveç faktit që disa deputetë të Vulës po insistojnë që PD e Vulës të dali vetëm me Keshilltarë Bashkiak. Dyshimet janë që Alibeaj NUK I KA 44 emra të tjerë veç atyre 17 që ka kohë që i ka hedhur në treg.

Deputetët e vulës nga ana tjetër, përveç teorive për gjasme bashkim me Foltoren në fushatën për zgjedhjet lokale, kanë nje arsye më të madhe dhe të vërtetë për pozicionin që marrin si gjasme përbashkues.
Kanë hall të ruajne mandatet, karriket në sallën e Seancave të Kuvendit dhe benefitet si deputet.

Ky është halli i vërtetë i deputetëve!

Foltorja ka nxjerrë deri tani 3 kandidatë nga rradhët e deputetëve.
Alibeajt i duhen të paktën 3 kandidatë nga rradhët e deputetëve.
Ose Alibeaj është Kryetar, ose është dordolec.

Nëse është dordolec, boll i ka 17 kandidatë dhe mos lodhet as që të mbushë listat me emra kandidatësh për këshillat bashkiak.
Nëse është Kryetar atëherë të marrë vendime!

Dhe të caktojë psh:
- Flutura Açkën si kandidate për bashkinë Elbasan.
- agron Gjekmarkaj di kandidat për Bashkinë Shkodër.
- Flamur Hoxhën si kandidat për Bashkinë Kukës.

Nëse Alibej u "bë" kryetar ai mundet të marrë vendime.
Dhe pastaj Açka dhe Gjekmarkaj le të dalin publikisht e të refuzojnë kandidimin.

Tabaku e bëri. Duke u fshehur pas gjasne bashkimit, zgjodhi të ruaje benefitet si deputete.

Tabaku zgjodhi të rehatohet dhe ky duhet të jetë fati i saj.
Por Alibeaj duhet të marrë vendime!

Kjo është politikë! Nuk është biznesi që Alibeaj beson se ka marrë në administrim bashkë me vulën.

Nëse nuk e bën këtë, Alibeaj bën mirë të të shkojë me pushime. Si dordolec!

Kështu u kursen shqiptarëve të paktën rrogat e bodygardëve që ka 1-2 ditë që po e trajtojnë si Kryetar./CNA

Lajmet e fundit nga