web counter
LEXO PA REKLAMA!

SHKARKO APP

App Store
Google Play

E fundit!

x

Në Shqipëri çudia më e madhe nuk zgjat më shumë se tre ditë

28 Janar 2023, 15:16, Editorial CNA
Në Shqipëri çudia më e madhe nuk zgjat më shumë
Fotomontazh - Landfilli i Sharrës, pastruesja Rozeta Dobi dhe ish-zyrtari i FBI-së, Charles McGonigal

Për 28 ditët e janarit, në Shqipëri kanë plasur një sërë skandalesh dhe kanë dalë në dritë disa bëma e gjëma.

Por halli i shqiptarëve nuk janë vjedhjet e pastrueses Rozeta Dobi, as afera e inceneratorëve që po thellohet çdo ditë, as audio-regjistrimi i 21 janarit që duhet të ulërasë për drejtësinë, as skandali dhe lidhjet e kryeministrit Edi Rama me ish-zyrtarin e arrestuar të FBI-së, Charles McGonigal.

Kjo pasi si gjithmonë, në vendin tonë çudia më e madhe zgjat vetëm tre ditë.

Kur aferat dhe skandalet me inceneratorët, me “pastruesen intelektuale” apo me ish-zyrtarin e FBI-së, duhet të ngrenë këmbanë alarmi, shqiptarët e kanë të gjithë mendjen te “Big Brother VIP”.

Mjafton të dalësh hapësh rrjetet sociale dhe kudo të dalin banorët e “Big Brother VIP”, duke filluar nga Olta, Luizi, Kiara e të tjerët me radhë.

Edhe kur takon miqtë apo ulesh në një tavolinë, shqiptarët më shumë shqetësohen e diskutojnë se kur do ta puthë Kiara Luizin se për paratë që u vidhen çdo ditë nga xhepat me afera e abuzime.

Askush nuk proteston për këto skandale, askush nuk flet për arrestimet, askush nuk ngre zërin për çmimet, por të gjithë flasin e bërtasin për “Big Brother”.

Mashtrimet e politikës, aferat e njëpasnjëshme e krimet e pandëshkuara nuk i hyjnë në sy rinisë shqiptare që po braktis vendin, nuk i bëjnë përshtypje as moshave të mëdha.

Të gjithë heshtin, njësoj siç mediat e paguara nga inceneratorët mbyllin gojën për aferën e shekullit.

E nëse dikush ngre zërin, kjo nuk ndodh më shumë se për tre ditë.

Për shqiptarët asgjë nuk është më e rëndësishme se “Big Brother”, ndaj ju lutem të mos harrojnë të shohin sonte Arbanën./ CNA.al





Lajmet e fundit nga