web counter
LEXO PA REKLAMA!

SHKARKO APP

App Store
Google Play

E fundit!

x

Pse i duhet kaq shumë Alibeut, këmba e karrikes ku rri ulur

12 Janar 2023, 16:26, Editorial CNA

Pse i duhet kaq shumë Alibeut, këmba e karrikes ku rri ulur

Në një status Alibej më në fund foli. Dhe jo vetëm foli, por paska folur edhe me sinqeritet:

"Unë e kuptoj fare mire hallin e atyre të cilët herë pas here bëjnë këto lëvizje agresioni, kolegëve të mi deputetë që kanë këtë lloj pozicioni politik, e kuptoj hallin e tyre të përbashkët, është hall i përbashkët i Sali Berishës dhe Edi Ramës. Ne duhet të jemi të sinqertë, duhet të jemi të sinqertë para demokratëve mbi të gjitha e duhet të jemi të sinqertë edhe para gjithë publikut.

Unë nuk kam asnjë hall, jam fare mirë e ndihem lirshëm në këtë pozicion politik e angazhim që kam treguar gjatë gjithë kësaj kohe të jetës sime politike aktive. Ata që janë bashkë kanë një arsye pse janë bashkë, kanë halle, halle personale, hallet personale të tyre tregojnë që ata janë bashkë. E kanë treguar shumë episode gjatë kësaj periudhe se kush është bashkë”.

Mirë Sali Berisha, se këtë ia pranojmë Enkelejdit si person që po mbështet zëvendësimin e tij, po Edi Rama çfarë po i bëka Alibeajt?

Kanakarët e tij po marrin tendera fuqishëm nga pushteti.

Pse i duhet kaq shumë Alibeut, këmba e karrikes ku rri ulur

Taulant Balla është gati që t'i emërojë çdo shofer apo pastrues që punon për Enkelejdin.

Këto episodet e bashkëpunimit të Berishës me Ramën pse na i mban sekret Alibej?

Ti tregohet shkoqur t'i marrin vesh edhe të tjerët.

Që Enkelejdi është rehat nga trutë e kuptoi edhe Flutura Açka, por që Enkelejdi paska bërë politikë deri tani, këtë nuk ia ha njeri.

Kujt i thotë politikë Enkelejdi? Ky dështak serial që nuk lëviz nga këmba e karriges ku është ulur duke i shërbyer pjesës në tenderat me të cilët i ushqen pushteti ortakët e tij.

Sa rehat mund të jetë një kryetar grupi që merr vesh, dëgjon apo thjesht beson që gjysma e grupit duan shkarkimin e tij?

Pse i duhet kaq shumë Alibeut, këmba e karrikes ku rri ulur

Ky tipi pasi mori vesh që gjysma e grupit e duan të shkarkuar, thotë që po rrika i qetë dhe ndihet lirshëm!

Një kryetar grupi që merr vesh, dëgjon apo thjesht beson që gjysma e grupit duan shkarkimin e tij dhe rrika i qetë dhe lirshëm mund të jetë ose idiot ose në pazar.

Në fakt, Enkelejdi nuk ndenji as i qetë as i liruar, sepse pasi mori vesh vullnetin për ta shkarkuar, si njeri pa halle që thotë se është, vendosi që për qejf të përjashtojë 4 deputetë nga grupi parlamentar.

Çdo njeri politik do të kishte dhënë dorëheqjen ose do të kishte bërë ç'është e mundur që të ndihmonte gjetjen e një zëvendësuesi. Enkelejdi qenka i qetë dhe rrika lirshëm mbi këmbën e karriges që ia kanë dhënë për karrige!

Pse i duhet kaq shumë Alibeut, këmba e karrikes ku rri ulur

Kur thotë që Berisha po bashkëpunon me Ramën, po na thotë me sinqeritet që shkarkimin e tij po e kërkoka Rama?

Janë 21 deputetë që kanë nënshkruar shkarkimin e Enkelejdit. Ku dhe si e dalloi Ramën pas tyre Enkelejdi?

Pse ju dashka Ramës këmba e karriges ku është ulur Enkelejdi? Çi… apo lezetin e asaj këmbe nuk na e tregon dot Enkelejdi?

Sa i pacipë duhet të jesh që të bësh çfarë bën Enkelejdi dhe të thuash ato që thotë Enkelejdi?/ CNA.al





Lajmet e fundit nga