web counter
LEXO PA REKLAMA!

SHKARKO APP

App Store
Google Play

Pse Genti Ibrahimi nuk e sistemoi veten në SPAK apo GJKKO?

7 Dhjetor 2022, 18:32, Editorial CNA
Pse Genti Ibrahimi nuk e sistemoi veten në SPAK apo GJKKO?
Gent Ibrahimi

Sot Gent Ibrahimi u "përzgjodh" nga Presidenca dhe u emërua anëtar i Gjykatës Kushtetuese.

Kunati i Mimi Kodhelit, pasi u rendit nga Këshilli i Emërimeve të Drejtësisë si kandidat i parë, u emërua si anëtari më i ri në Gjykatën Kushtetuese.

Sipas KED-së, Gent Ibrahimi ishte vlerësuar me 88.37 pikë. Ai pasohej nga Arta Vorpsi me 88.22 pikë, dhe Arta Marku me 82.66 pikë.

Gent Ibrahimit iu lejua kandidimi për vendin vakant të Përparim Kalos, në Gjykatën Kushtetuese.

Përparim Kalo i emëruar në atë post, mbajti një copëz mandati të mbetur nga vakanca të gjyqtarëve të larguar nga vetingu.

Ibrahimi nuk kandidoi për asnjë nga mandatet e pjesshme. Priti që drejtësia e re, të hapte aplikimin për një mandat të plotë në Gjykatën Kushtetuese.

Genti Ibrahimi është një nga "ekspertët" e nivelit të lartë që u përzgjodhën të angazhohen për atë që do të quhej drejtësia e re.

Nivelin e lartë të ekpertizës, të gjithë të përzgjedhurit ekspertë e treguan me hartimin e dispozitave që përjashtuan këdo nga mundësia për kandidim dhe blinduan karriget për gozhdimin personal në karriget e "drejtësisë së re" deri në vdekje.

Pasi u paguan deri ne 7.000 euro në muaj gjatë hartimit të reformës, dispozita që i ndalonte hartuesit të bëheshin aplikantë për karriket e drejtesisë së re, u shfuqizua de fakto nga maxhoranca dhe gjithë aktorët e rinj të drejtësisë së re.

Menjëherë Gent Ibrahimi u caktua në postin e Kreut të Këshillit të Lartë të Prokurorisë nga ku "përzgjodhi" si fillim kreun e parë të SPAK.

Në muajt e fundit si drejtues i KLP, Ibrahimi infiltroi në tryezat e minisrrive dhe Kuvendit, një amendament që i jepte atij statusin e Magjistratit pas përfundimit të afatit si ushtrues i detyrës së kryetarit të KLP.

Amendamenti i kërkuar prej Ibrahimit u refuzua qëndrueshëm nga aktorët ndërkombetarë. Me anë të atij amendamenti, Ibrahimi me statusin e magjistratot,  pretendonte sistemim të paktën në gjykatën e apelit të Tiranës.

Nuk kërkoi për shembull sistemim si prokuror i SPAK. As si gjyqtar në Gjykatën Kundër Korrupsionit dhe Krimit të Organizuar.

Këta autorët e drejtësisë së re, nuk kërkuan, nuk ëndërruan e as duan karrike nga ku të përballen me korrupsionin dhe krimin ndaj të cilit u pompua se do vepronte drejtësia e re.

Të gjithë sistemuan veten në shkollën e magjistraturës, në gjykatën e Larte, në Apelet civile dhe ato administrative.

Tani i kish ardhur rradha Gjykatës Kushtetuese. Vendi nuk plotësohej dhe lihej të mbetej gjatë bosh derisa ti vinte koha aplikimit të Ibrahimit.

Koha paskësh ardhur sot!

Nga sot Gjykata Kushtetuese ka edhe nje milioner të ri në rradhët e veta. Milionat i ka trashëgimi nga 2 prindër që viti 1992 i gjeti 60 vjeç.

Edhe vetingu nuk ish për ekspertet e larte. Ata ndertuan një proces në të cilin do vetonin njëri-tjetrin./ CNA.al





Lajmet e fundit nga