Basha dhe Alibeaj, juristët që nuk paraqiten dot në gjykatë kur u "sëmuret' avokati

14 Nëntor 2022, 13:14, Editorial CNA

Basha dhe Alibeaj, juristët që nuk paraqiten dot në gjykatë

Gjykata e Apelit në datë 22 prill 2022 ka pranuar ankimin e Enkelejd Alibeajt, dhe ka marrë në shqyrtim vendimin e Agron Zhukrit, i cili ka njohur statutin e PD-së, të dalë nga Kuvendi i 11 dhjetorit 2021.

Partia Demokratike e Shqipërisë përfaqësuar nga z. Enkelejd Alibeaj, ka kërkuar Prishjen e Vendimit Nr. 1346/222 Akti, Nr. 3 Vendimi, datës 25.03.2022 të Gjykatës së Rrethit Gjyqësor Tiranë me gjyqtar Agron Zhukrin.

Në 22 prill, Gjykata vendosi pranimin e ankimit te palës ankuese, Partia Demokratike e Shqipërisë, përfaqësuar nga nënkryetari i saj z. Enkelejd Alibeaj, ndaj Vendimit Nr. 3, datë 25.03.2022 të Gjykatës së Rrethit Gjyqësor Tiranë.

Basha dhe Alibeaj, juristët që nuk paraqiten dot në gjykatë

Kjo ishte seanca e vetme në të cilën avokati i caktuar prej tyre u paraqit në Gjykatë. Ankuesi dhe sëra që ai përfaqëson nuk shkuan në Gjykatë sepse ata janë nivel i lartë nuk merren me vogëlsira.

Në historinë e përballjeve juridike të Partisë Demokratike kjo ndodhte për herë të parë!

Partia Demokratike historikisht ka pasur në radhët e veta juristë të spikatur. Përfaqësimin e PD-së edhe në Gjykata e kanë marrë përsipër zyrtarët e asaj partie.

Por edhe kur çështja kërkonte angazhime studiosh apo ekipesh më të mëdha juristësh, zyrtarët e PD-së të profesionit jurist, kanë qenë gjithmonë prezentë në seancat gjyqësore ku PD-ja ishte palë.

Eshtë e padëgjuar që PD-ja të mungojë në Gjykatë sepse i "sëmuret" avokati. Kjo PD-ja e juristëve Lul&Enklejd ka zgjedhur të përfaqësohet vetëm me avokat.

Vetëm në seanca ku i përfaqësuari akuzohet për vepra penale është e detyrueshme prania e avokatit. Këta e dinë veten të akuzuar penalisht që nuk shkokan dot vetë në gjykatë? Apo nuk janë juristë dhe nuk dinë se si lexohet ligji që i mbron ata?

Këta edhe lajmin që u shtyhet gjyqi se ju "sëmuret" avokati e marrin nga televizori, kaq shumë punë kanë.
Pse munguan të gjithë juristët e shquar të vulës në seancën e datës 3 nëntor?

Të gjithë jemi dëshmitarë se si në datën 4 tetor, deputetët Dash Dula dhe Saimir Korreshi, protestuan përpara Gjykatës së Apelit në Tiranë me pretendimin që Gjykata po zvarriste vendimin e gjyqit të vulës së PD-së. Dash Sula është jurist.

Juristë në grupimin që kërkon vulën ka edhe të tjerë. Edhe Gaz Bardhi është jurist!

6 muaj pas depozitimit të ankimimit, deputetët kërkuan nga Gjykata caktimin e datave të seancës.

Deputetët Dashnor Sula dhe Saimir Korreshi thirrën mediat dhe dolën para gjykatës me kërkesën që ky organ të japë një vendim të përshpejtuar për vulën e Partisë Demokratike.

Gjykata u bind dhe thirri seancë në datën 3 nëntor!

Ajo që ndodhi në datë 3 nëntor i tejkalon kufijtë e qesharakes. Avokati Indrit Sefa nuk u paraqit dhe depozitoi kërkesë për shtyrje seance me pretendimin e arsyeve shëndetësore.

As Luli, as Enkelejdi, as Gazi, as Dashi nuk shkuan në datën që gjykata rezervoi për ta. Bile as Saimiri nuk u grind e nuk bëri batuta fshati siç e ka zakon.

Pse nuk protestuan deputetët e PD-së për shtyrjen që kësaj radhe kishte shkak sëmundjen e papritur të avokatit të PD-së?
Pse nuk shkuan vetë të përfaqësonin PD-në, por ia lanë në dorë gjyqin një avokati shëndetligë?

Gjykata e Apelit në datë 3 e shtyu gjyqin për në datën 10 nëntor, por edhe këtë herë përfaqësuesi ligjor i Bashës dhe Alibeajt nuk u paraqit dhe kërkoi shtyrje të seancës. Kësaj radhe i ishte sëmurur një familjar!

Çfarë janë këta juristë që angazhojnë avokatë t'u shkruajë padinë?

Pastaj disa prej tyre i bëjnë apel gjykatës t'u afrojë gjyqin dhe në fund gjyqi nuk bëhet se sëmuret avokati!

Vendimi për statutin e PD-së/ Gjykata shtyn seancën sërish
10 Nëntor, 10:22

Përfaqësuesi ligjor i juristëve të Lulzim Bashës me në krye Enkelejd Alibeajn po shtyn rregullisht datat e seancave.

Avokati që në date 2 nëntor në darkë ishte bashkë me Alibeajn të nesërmen u "sëmur" aq keq saqë, jo vetëm ai, por as Alibeaj nuk shkonte dot.

Kaq e rëndë ish "sëmundja" saqë jo vetëm avokati nuk shkonte dot në Gjykatë në këmbë të Alibeajt, por as Alibeaj nuk shkoi dot në këmbë të vet. As në datë 3 e as në datë 10.

Këta të vulës janë të parët njerëz që i thonë vetes deputetë të PD-së që si juristë, pasi çojnë PD-në në gjykata, marrin avokat që t'i përfaqësojë. Në fund protestojnë t'u caktohet data e seancave dhe pasi u caktohen datat kërkojnë shtyrjen e seancave se ju sëmuret avokati.

Ky është Lul juristi, Enkelejd heroi dhe gjithë komikët e tjerë juristë, të shpurës së çoroditur që po shpartallojnë PD-në. Edhe avokatët i zgjedhin që t'u sëmuren shpesh!/CNA.al