LEXO PA REKLAMA!

SHKARKO APP

Ilir Meta, kanceri që po gërryen Partinë Demokratike

28 Tetor 2022, 19:12, Editorial CNA
Ilir Meta, kanceri që po gërryen Partinë Demokratike
Kryetari i Partisë së Lirisë, Ilir Meta

Me apo pa Berishën, me apo pa Bashën, Partia Demokratike, po kalon një situatë krejt dranatike.

Mesa duket vuan nga një sëmundje e rëndë, një sëmundje e rëndë që e ka emrin kancer dhe ai është Ilir Meta.

PD-ja erdhi në 2005-ën në pushtet me duar të pastra. Shpresat qenë të mëdha. Berisha bëri një kabinet shumë të mirë. Qeverisja e parë e tij do të mbahet mend në këto 30 vjet si më e suksesshmja, edhe për luftën ndaj krimit, për rezultate ekonomike dhe të tjera.

Por filloi të çmontohej qeveria dhe vetë Partia Demokratike. Qeveria me futjen e LSI-së në kabinet, në 2009-ën, kur xhepistët e kësaj partie, hajdutët filluan të kapnin ku të mundeshin sektorë të ndryshëm, paratë, gjobat dhe gjithçka tjetër.

Ilir Meta, kanceri që po gërryen Partinë Demokratike

Kjo thjeshtë dhe vetëm se duheshin para që LSI-ja të blinte vota në zgjedhjet e ardhshme. Ashtu luajti edhe në 2011-ën duke marrë jo pak këshilltarë në pushtetin vendor dhe më pas në 2013-ën braktisi Berishën dhe shkoi tek Edi Rama. Solli Edi Ramën në pushtet duke i garantuar atij deri më sot afërsisht 3 mandate, 2 të plota, i treti në konsum, të treja të garantuara nga Ilir Meta sepse ai e solli në pushtet.

Ilir Meta, kanceri që po gërryen Partinë Demokratike

Në 2017-ën, Meta braktiset gjoja nga Basha, del më vete dhe merr 240 mijë vota të opozitës duke i shkaktuar një humbje asaj, duke sjellë lënien e PD-së, kuptohet dhe për faj të Lulzim Bashës, në opozitë.

Meta, i cili luante sa majtas dhe djathtas, tashmë qe forcuar. Në 2021-shin sërish LSI-ja shkon në koalicion me PD-në, pasi kishte braktisur koalicion me socialistët, këtë here partia drejtohet nga Monika Kryemadhi, kanceri LSI me emrin Ilir Meta vazhdon të godasë PD-në.

Ilir Meta, kanceri që po gërryen Partinë Demokratike

Megjithëse LSI-ja shkon thjeshtë dhe vetëm 100 mijë vota, PD duke ndjekur mentalitetin e Metës dhe Kryemadhit, qoftë dhe të bashkuar, qoftë edhe të ndarë, përfundojnë në një humbje historike. Për herë të parë në Shqipëri një forcë politike merr mandatin e tretë në vazhdimësi.

Basha përjashton Berishën dhe ja ku jemi sot. Berisha rikthehet në krye të PD-së dhe kanceri Ilir Meta firmos sërish marrëveshje me PD-në.

Nuk i mjaftoi pushteti i dhënë në 2009-ën, në 2011-ën, nuk mjaftoi që solli Ramën në 2013-ën, nuk mjaftoi që në 2015-ën mori bashki apo i shkaktoi PD-së humbje në shumë bashki. Nuk mjaftoi në 2017-ën që mashtroi njerëz duke i marrë vota demokratësh, nuk mjaftoi 2019-ta me çmendurinë e djegies së mandateve, pavarësisht se Ilir Meta thotë që unë isha kundër, kjo është një gënjeshtër. E shkojmë më tej në 2021-shin, kur lëvizi dhe me mendtë e LSI-së, PD-ja shkoi atje ku shkoi.

Ilir Meta, kanceri që po gërryen Partinë Demokratike

Sot jemi në 2022-shin, Berisha në krah ka Ilir Metën, liderin e partisë së hajdutëve, pastisë së inceneratorëve, forcës politike më të korruptuar, e cila nuk është thjeshtë gjë tjetër, një kancer politik, e cila po gërryen opozitën, po gërryen Partinë Demokratike. E në rast se PD-ja do që të vijë në pushtet, kurrsesi nuk do të mundet ta bëjë me Ilir Metën.

Dikush do të pyesë, të gjithë flasin, të gjithë sulmojnë Metën, Meta ka 100 mijë vota, ku t’i gjejmë, si t’i zgjidhim? Ka një zgjidhje!

Në qoftë se PD do të menaxhohet nga servilët e Lulit dje, që sot janë servilat e doktorit, nga njerëz mediokër dhe të paaftë, kurrsesi nuk mund të fitojë.

PD duhet të ketë një vizion të qartë, hapjen e saj. Një hapje reale dhe jo një hapje partie dhe rithemelim për të bërë udhëheqës Mul Nokën dhe kompaninë. PD duhet të hapet ndaj rinisë, duhet të hapet ndaj qytetarëve, duhet të ketë emra me integritet dhe me moral, duhet të ketë vlera përfaqësuese.

Thjeshtë dhe vetëm kështu mund të fitojë, duke marrë jo ato 100 të Ilirit, por duke marrë edhe 200 të tjera apo 300 se kështu të gjithë do të shkojnë të votojnë, do të votojnë për individë, për një trupë elektorale, për një grup individësh, për personalitete që ngjallin besim, që kanë çfarë t’i japin Shqipërisë.

E në rast se alternativa e opozitës mbetet Ilir Meta se ka disa vota, PD-ja do të mbetet gjatë në opozitë dhe ndoshta do të shuhet nga ky kancer që e ka emrin Ilir Meta, i cili disa herë shkon nga PS-ja dhe disa herë shkon nga PD-ja, por mesa duket fundi i tij politik nuk ka arritur ende, por duke u tërhequr zvarrë, po shkatërron edhe Partinë Demokratike./ CNA.al

Lajmet e fundit nga