LEXO PA REKLAMA!

SHKARKO APP

CNA.al angazhohet të testojë nëse dosjet janë hapur vërtetë siç deklaron heroi Alibeaj

25 Tetor 2022, 13:24, Editorial CNA

CNA.al angazhohet të testojë nëse dosjet janë hapur

Deputeti i Partisë Demokratike, Enkelejd Alibeaj, ditën e sotme u shpreh se vetëm përmes procesit të hapjes së dosjeve dhe ligjit të lustracionit mund të arrihet një atmosferë e paqes sociale në vend."

Sipas Alibeajt tashmë amendamentet e miratuara në Kuvend i hapin rrugë hapjes së dosjeve për ish-bashkëpunëtoret e sigurimit të shtetit.

Por paqja e Alibeajt do të vijë pasi të bëhet e mundur edhe "hapja" e petëve të lakrorit edhe për zyrtarët e ish-sigurimit të shtetit.

CNA.al angazhohet të testojë nëse dosjet janë hapur

Alibeaj tha se duhet të miratohen edhe amendamentet e tjera të ligjit të lustracionit, pasi sipas tij, ata që kanë qenë ish-funksionarë të Sigurimit të Shtetit, nuk mund të jenë ende në administratë.

Përtej frazave shabllone të tipit "pa njohur të shkuarën nuk mund të ndërtojmë të ardhmen", apo shprehjes që përsërit 3 herë në ditë "e vërteta të bën të lirë", a thua se nuk është i sigurtë që e kanë kuptuar, formulimi i amendamenteve shfaq një dilemë të madhe lidhur me zbatimin në praktikë të ligjit.

Kësaj dileme po i paraprin Alibeaj.

Lexojeni me kujdes:

"Kjo e vërtetë nuk duhet të keqpërdoret. Është e rëndësishme edhe se si është miratuar. Ligji në fjalë është një ligj i thjeshtë, të cilin PS mund ta votonte edhe pa nevojën tonë."

Çfarë nënkupton Alibeaj me keqpërdorimin e të vërtetave?

Apo ka parasysh vërejtjet e Pandi Majkos gjatë mbledhjes se komisionit të ligjeve ku u trajtua prej tij si adoleshent?

CNA.al angazhohet të testojë nëse dosjet janë hapur

A mos po merr distancë Alibeaj nga ligji që sapo votoi?

Po distancohet nga zbatimi i ligjit historik që Alibeaj votoi si hero për t'i shërbyer paqes sociale nëpërmjet një "akti patriotik"?

Çfarë të vërtete keqpërdori Alibeaj kur shpalosi hapjen e dosjeve, pa pritur zbatimin praktik të asaj për të cilën votoi?

CNA.al mbetet media e angazhuar që sapo amendamentet historike të Alibeajt të hyjnë në fuqi, të testojë sa të hapura do të jenë dosjet.

Ligji i miratuar në vitin 2015 u jepte të drejtë viktimave që të kërkonin dhe të merrnin dosjet personale në Autoritetin e krijuar për këtë qëllim.

Në nenin 20, pas pikës 1 është shtuar pika 1.1 me përmbajtjen e mëposhtme:

 “Çdo person gëzon të drejtën të njihet me dokumentet e ish-sigurimit të shtetit dhe të kërkojë një kopje të tyre, në përputhje me ligjin për të drejtën e informimit, me kusht që kërkuesi të paraqesë të dhëna në kërkesën e tij që mundësojnë lokalizimin e informacioneve. Informacioni jepet vetëm kur angazhimi i nevojshëm për gjejtjen dhe vënien në dispozicion të informacionit është në përpjestim të drejtë me interesin e argumentuar të kërkuesit në marrjen e këtij informacioni. Kërkuesi mban përgjegjësi për keqpërdorimin e informacionit të marrë”.

Pra, dosjet në teori kanë 7 vjet që janë të hapura për ish-viktimat që ata të njiheshin me ish-spiunët që kishin ndihmuar t'u bëhej gropa nga Sigurimi i Shtetit.

CNA.al angazhohet të testojë nëse dosjet janë hapur

Mbetet për t'u parë se çfarë ka ndyshuar nga historia e vitit 2015, me këtë historinë që shkroi Alibeaj 7 ditët e fundit.

Nuk mund të kalojë pa kuriozitet nxitimi me të cilin Alibeaj sot po kërkon të kapercejë te debati për ligjin e lustracionit.

Duket sikur po anonçon që pasi fjetën bashkë me Ramën për një natë për këtë historikun e hapjes së dosjeve për ish-bashkëpunëtorët, ky i paska ikur nga krevati se po planifikon të bëjë histori me këtë nismën për lustracionin e për të cilën Rama deklaron publikisht që nuk e mbështet.

CNA.al angazhohet të testojë nëse dosjet janë hapur

Debati për persekutorët e ish-sigurimit të shtetit është debat historik i Sali Berishës, jo i Alibeajt. Vrapi i Alibeajt për t’i ikur zbatimit të ligjit që thotë se ka hapur dosjet, tregon tinëzarinë e Alibeajt.

Alibeaj në vend që sot të merrej me zbatueshmërinë e ligjit historik që miratoi, po kalon degë më degë për të hallakatur turmat si lideri që ka shumë ide e që shyqyr që i paska ardhur dita t'i shprazë të tëra.

Meqë pas propagandës, ajo që vjen është realiteti i gjërave.

CNA.al angazhohet publikisht që:

- në interes të publikut;

- për intetes publik;

- për qëllime patriotike;

- në mbrojtje të të vërtetave historike dhe atyre të sotme,

të testojë sa reale janë deklaratat dhe propaganda e Alibeajve, për hapjen historike të dosjeve të bashkëpunëtorëve të Sigurimit të Shtetit./CNA.al

Lajmet e fundit nga