LEXO PA REKLAMA!

SHKARKO APP

Ilir Meta, me dy fytyra/ Gati të ndihmojë Lulzim Bashën?

4 Tetor 2022, 15:00, Politikë CNA

Ilir Meta, me dy fytyra/ Gati të ndihmojë Lulzim Bashën?

Ilir Meta, kreu i PL-së, në çdo dalje është shprehur kundër Lulzim Bashës, për të cilin ka thënë se e ka blerë kryeministri Edi Rama.

Por, Meta nuk ka të njëjtin këndvështrim për grupin e Lulzim Bashës, për Enkelejd Alibeajn e të tjerë.

Këtë qëndrim e ka konfirmuar sot Meta, gjatë një konference për mediat.

Meta është pyetur për bashkëpunim me Enkelejd Alibeajn në zgjedhjet vendore dhe nuk e ka mohuar.

“Unë nuk mbyll asnjë derë, nuk është detyra ime as të mbyll e as të hap. Kam që në 2 mars që jam në shesh përballë këtij regjimi. Kam qenë më parë si president, i vetëm, me përkrahjen e popullit, tani jam më komod se kem një forcë politike, pavarësisht traumave që ka kaluar në ta kaluarën, ka një dinamikë që do jetë spektakolare. Të gjithë mund ta gjykojnë se ku qëndron njëri dhe tjetri në raport me regjimin”, ka thënë Meta.

Meta është pyetur nëse ka komunikim me grupin “Basha”.

“Nuk është detyra ime të mbaj komunikim me cilindo, s’kam ndërprerë komunikim me askënd dhe jam tërë ditën në komunikim me të gjithë ata që duan të bëjnë opozitë të vërtetë dhe jo me ata që bëjnë opozitë me regji, hajde bëjmë sikur bëjmë opozitë”, është shprehur Meta./CNA.al

Lajmet e fundit nga