web counter
LEXO PA REKLAMA!

SHKARKO APP

App Store
Google Play

Kreu i ri i FRPD-së rrëzon akuzat/ Gara s’ishte e paracaktuar, kam bërë 27 mijë kilometra

3 Tetor 2022, 22:45, Politikë CNA
Kreu i ri i FRPD-së rrëzon akuzat/ Gara s’ishte e paracaktuar,
Kryetari i ri i Forumit Rinor të Partisë Demokratike, Besart Xhaferri

Kryetari i ri i Forumit Rinor të Partisë Demokratike, Besart Xhaferri, ka reaguar për akuzat se zgjedhjet janë manipuluar dhe fituesi ka qenë i paracaktuar.

Xhaferri hodhi poshtë këto akuza, teksa tha se ka bërë 60 ditë fushatë duke ecur me kilometra për të takuar qytetarë, ashtu siç kanë bërë fushatë edhe kolegët e tjerë.

"Ishte një garë mbi 60 ditë fushatë. Kanidatët patën mundësinë dhe gjithë infrastrukturat e partisë për të bërë fushatë. Dega na lejonte mundësinë të takonim anëtarët e bazës. Ishte periudhë e vështirë. Gushti ishte muaj sfidues.

Të thuash është garë e paracaktuar, unë kam bërë 27 mijë kilometra, kam takuar mijëra njerëz për të arritur atë rezultat.

Patjetër jam mbështetur nga ekipi im, që janë miqtë e mi të cilët i kam pasur bashkudhëtarë në këtë rrugë këto 7 vjet, por jo nga KQZ apo emrat që janë aluduar për mbështetje.

Unë kam kontributet e mia, mi kanë minuar me një antifushatë përbaljte. Kryesisht faktorë të tjerë, ndoshta dhe disa rivalë. Unë jam Besart Xhaferi, 32 vjeç. Anëtar i Kryesisë së FRPD i zgjedhur me votë në vitin 2016", u shpreh ai.

Kreu i FRPD-së zbuloi në "Syri Tv" se për fitoren e garës ka marrë urime nga homologët dhe organizatat partnere.

"Më ka uruar Sekretari i Marrëdhënieve me Jashtë i Young Republicans, se atë kam pasur homolog deri dje, nga kryetari presim ditët në vijim. Më ka uruar presidentja e të rinjve të partie popullore europiane, organizata më e madhe studentore e PPE, më kanë uruar nga Young Union. Disa urime i kam marrë privatisht, por ditët në vijim do t'i marr edhe publikisht", theksoi ai./ B.A. – CNA.al





Lajmet e fundit nga