web counter
LEXO PA REKLAMA!

SHKARKO APP

App Store
Google Play

E fundit!

x

Berisha, thirrje shqiptarëve të Luginës së Preshevës/ Regjistrohuni masivisht

3 Tetor 2022, 18:02, Politikë CNA

Berisha, thirrje shqiptarëve të Luginës së Preshevës/

Kryetari i PD-së, Sali Berisha, ka bërë një thirrje për shqiptarët e Luginës së Preshevës të regjistrohen masivisht.

Në një deklaratë jashtë ambienteve të Parlamentit, Berisha hodhi akuza ndaj presidentit serb, Aleksandër Vuçiç dhe kërkoi reagim nga shqiptarët e Luginës së Preshevës që ndodhen në Serbi, në Europë dhe SHBA.

“Një thirrje vëllazërore për të gjithë shqiptarë e Luginës së Preshevës, Bujanovcit, Medvegjës, dhe të gjithë shqiptarëve në Serbi, të marrin pjesë në regjistrimin e popullsisë që po bën kjo republikë, një regjistrim problematik dhe ka bërë gjithçka Vuçiç me politikat që ka ndjekur të zvogëlojë artificialisht popullatën shqiptare në trevat e veta mijëvjeçare në Luginën e Preshevës.

Format e përdorura nga serbo-madhi Vuçiç për të ç’regjistruar banorët e këtyre komunave nga trojet e tyre shekullore janë unikë në botë. Njëra prej të cilave, mjafton që portieri të trokasë në derë dhe të mos e hapë kush, ajo familje ç’regjistrohej. Edhe dhjetëra forma të tjera. Kjo idiosinkrasi që ultranacionalistët serbë dëshmojnë ndaj shqiptarëve, ky racizëm primitiv duhet të marrë vetëm një përgjigje; regjistrimin masiv të të gjithë shqiptarëve kudo që ndodhen, në Serbi apo në Europë e SHBA, pranë vatrave të tyre familjare si banorë të fshatrave të Luginës së Preshevës. Aty ata kanë  qenë në shekuj dhe aty do të jenë, duke rezistuar natyrisht programeve të egra shpopulluese të serbomadhisë.

Edhe njëherë thirrja ime është të regjistrohet çdo shqiptar, me origjinë, ose i lindur në komunat e Luginës së Preshevës, kudo që ndodhen”, theksoi kreu i PD-së./ B.A. – CNA.al





Lajmet e fundit nga