web counter
LEXO PA REKLAMA!

SHKARKO APP

App Store
Google Play

E fundit!

x

Primaret në PD/ Hajdarmataj: Do të sjellim zgjidhjen e krizës së demokracisë

1 Tetor 2022, 20:35, Politikë CNA
Primaret në PD/ Hajdarmataj: Do të sjellim zgjidhjen e krizës
Anëtarja e Kryesisë së PD-së, Mimoza Hajdarmataj

Anëtarja e Kryesisë së PD-së, Mimoza Hajdarmataj, përmes një reagimi në rrjetet sociale, është shprehur se kjo është një ditë historike dhe vendimtare për Partinë Demokratike.

Hajdarmataj, shkruan se në votimet e kandidatëve, për zgjedhet vendore, në primare do të votojnë jo vetëm anëtarët e PD, por edhe simpatizantët e saj.

Sipas saj, ky është një vendim, përtej dhe politikës së ditës, që legjitimon plotësisht vullnetin për hapjen dhe forcimin e PD, si forca politike që simbolizon më së shumti lirinë, vlerat e demokracisë dhe vokacionin europian.

Ndër të tjera shton se, ringritja e PD-së me PRIMARE është kontribut i jashtëzakonshëm nesër në procesin e zgjedhjeve me votë të lirë dhe të ndershme.

'Ditë dhe vendime historike sot për Partinë Demokratike!

Në votimet e kandidatëve, për zgjedhet vendore, në primare do të votojnë jo vetëm anëtarët e PD, por edhe simpatizantët e saj.

Ky është një vendim, përtej dhe politikës së ditës, që legjitimon plotësisht vullnetin për hapjen dhe forcimin e PD,  si forca politike që simbolizon më së shumti lirinë, vlerat e demokracisë dhe vokacionin europian.

Më këtë qëndrim të Këshillit Kombëtar të PDSH shpresoj që të inkurajohen sa më shumë të rinjtë, profesionistët e lirë dhe intelektualët e tërhequr, për të ringritur PD në nivelin që e kërkon koha komplekse që jetojmë.

Ringritja e PD-së me PRIMARE është  kontribut i jashtëzakonshëm nesër në procesin e zgjedhjeve me votë të lirë dhe të ndershme.

Vetëm me një opozitë që do ofrojë kandidatë me integritet dhe mbështetje të gjerë popullore do të sjellim zgjidhjen e krizës së demokracisë, institucioneve, pavarësisë së pushteteve, zhvillimit të ekonomisë dhe më së shumti zgjimit dhe ringritjes së shpresës se ky vend bëhet', shkruan Hajdarmataj./ CNA.al





Lajmet e fundit nga