web counter
LEXO PA REKLAMA!

SHKARKO APP

App Store
Google Play

Qeveria u tërhoq nga rritja e çmimit të energjisë elektrike/ Tabaku: Rama u step nga presioni publik

30 Shtator 2022, 14:01, Politikë CNA

Qeveria u tërhoq nga rritja e çmimit të energjisë

Deputetja e Partisë Demokratike, Jorida Tabaku, komentoi vendimin e kryeministrit Edi Rama për t'u tërhequr nga rritja e çmimit të energjisë për konsumatorët që kalojnë fashën prej 800 kwh nga 1 tetori.

Në një intervistë për "Abc Live" me gazetaren Sibora Bitri, Jorida Tabaku tha se Rama mund të jetë tërhequr nga presioni publik. Megjithatë ajo tha se qeveria mund ta aplikojë masën më 1 nëntor.

Tabaku tha se numri i familjeve që kalojnë fashën 800 kwh shkon deri në 100 mijë në vendin tonë, shkruan "abc".

“Duhet ta falënderojmë se nuk hyn në 1 tetor dhe hyn në 1 nëntor? I thashë ERE-s mos jetë noter i qeverisë. Nuk është arritje e madhe. Ajo do të vazhdojë të jetë. Këtë fashë e kap e gjithë shtresa e mesme. Numri i familjeve që kalojnë fashën 800 kwh shkon deri në 100 mijë. Ne vetëm 40% energji marrim nga importi. 60% e prodhojmë këtu. Ndoshta prej presionit publik kryeministri u tërhoq. Do ishte barrë e madhe e jashtëzakonshme për shtresën e mesme. Që do të jetë nga 1 nëntori ndoshta.
500 mln euro kemi blerë energji elektrike në këto vite, kjo nuk duhej të ishte bërë. Këto para duhet të ishin shpenzuar në investime. Kemi vetëm një park fotovoltaik. Shqipërinë e ka bekuar Zoti me kaq shumë ditë me diell. Nëse do shfrytëzonim diellin dhe ujin nuk do të ishim këtu. Problemi është korrupsioni, keqmenaxhimi. Nuk ka asnjë investim dhe strategji për energjinë nga qeveria. Abuzimi me kompanitë po i transferohet konsumatorit”, tha Tabaku.





Lajmet e fundit nga