web counter
LEXO PA REKLAMA!

SHKARKO APP

App Store
Google Play

Vendimi i aneksimit të territoreve ruse/ Berisha: PD nuk do ta njohë kurrë

30 Shtator 2022, 12:22, Politikë CNA
Vendimi i aneksimit të territoreve ruse/ Berisha: PD nuk do ta njohë
Kreu i PD-së, Sali Berisha

Kreu i PD-së, Sali Berisha, ka deklaruar se nuk do ta njohë kurrë vendimin e Rusisë për aneksimin e territoreve ruse.

Sipas Berishës, ky është një akt jashtëzakonisht i rëndë, përbën një dhunim.

“PD deklaron se nuk do të njohë kurrë vendimin e Rusisë për aneksimin e territoreve ruse.

Diktatori Vladimir Putin ka vendosur të shpallë sot aneksimin pas agresionit barbar të katër provincave të një vendi të pavarur, të Ukrainës.

Ky përbën një akt jashtëzakonisht të rëndë. Përbën një dhunim, siç shprehet edhe Sekretari i Përgjithshëm i OKB, të Kartës së OKB-së.

Në përputhje me Traktatin e Budapestit, Rusia, një nga firmëtaret e këtij dokumenti, zotohej se do garantonte së bashku me palët e tjera, paprekshmërinë e kufijve të Ukrainës, e cila në kundërvlerë, do dorëzonte të gjitha mbushjet bërthamore me të cilat ajo ishte vendi i tretë në botë për fuqinë nukleare.

PD deklaron se nuk do të njohë kurrë këtë vendim të Rusisë, nesër në pushtet, dhe i bën thirrje komunitetit ndërkombëtar të dëgjojë zërin e presidentit Zelenski, ta përjashtojë Rusinë nga Këshilli i Sigurimit.

Shkelja që ky diktator i bën Kartës së OKB-së, e bën të domosdoshëm largimin e menjëhershëm të tij nga Këshilli i Sigurimit. Si hap i parë, për t’i dhënë pastaj një seri masash të tjera. Natyrisht krahinat e aneksuara, siç deklaroi edhe presidenti Biden, kurrë nuk do i njihen. Por kjo nuk mjafton. Ai duhet të ndëshkohet në mënyrë shembullore, botërisht për këtë akt në dhunim flagrant të ligjit ndërkombëtar”, tha Berisha./ CNA.al





Lajmet e fundit nga