LEXO PA REKLAMA!

SHKARKO APP

"Kori i gërr-mërrsave të heshtë"/ Bylykbashi i jep 'shuplakë' Ramës

1 Tetor 2022, 20:01, Politikë CNA
"Kori i gërr-mërrsave të heshtë"/ Bylykbashi i jep
Nënkryetari i Partisë Demokratike, Oerd Bylykbashi

Partia Demokratike ditën e sotme ka pasur zgjedhjet e për kryetar të Forumit Rinor, ku pjesëmarrja ishte relativisht e madhe. Pas përfundimit të procesit, aktualisht po numërohen votat, ndërkohë që këto zgjedhje janë vlerësuar si mjaft pozitive nga anëtarët e partisë si një jetëzim i fundit të autokracisë.

Një ndër figurat politike që ka vlerësuar këto zgjedhje ishte edhe nënkryetari i Partisë Demokratike, Oerd Bylykbashi, i cili shprehet se zgjedhjet janë arma e vetme e zhdukjes së autokracisë dhe fuqizimit të kryetarit të një partie, gjë e cila sipas tij ka nisur në PD që me zgjedhjet e 11 dhjetorit të vitit 2021.

"Më 11 dhjetor 2021, në Kuvendin madhështor të Partisë Demokratike sanksionuam për herë të parë në politikën shqiptare përzgjedhjen e kandidatëve për në parlament dhe bashki nëpërmjet votimit në primare. Me atë akt i dhamë fund autokracisë së kryetarit dhe fuqizuam demokracinë e anëtarit.

Sot Këshilli Kombëtar mori vendimin tjetër historik statutor duke e hapur votimin në primare edhe te simpatizantët e Partisë Demokratike. Tek ata qytetarë që mbështesin Partinë demokratike me zemër dhe me votë në këto 31 vite, edhe pa patur teserën e anëtarit. Në 31 vite, ky është një nga hapat më të mëdhenj e të guximshëm, që reformon politikën. Sot fuqizohet jo vetëm anëtari por edhe qytetari", shprehet nënkryetari i PD-së.

Krahas kësaj ai shprehet se ndryshe nga Partia Demokratike që po i jep mundësinë njerëzve që të bëhen pjesë e strukturave drejtuese dhe po sjell një frymë lirie në parti, është edhe modeli i Partisë Socialiste ku kandidatët emërohen nga Edi Rama dhe nuk kanë mundësi të kundërshtojnë. E në vijim të këtij pohimi ai shprehet se PD është alternativa e vetme që po iu ofrohet shqiptarëve për të rrëzuar këtë pushtet.

"Nga një anë qëndron autokracia e Ramës që kandidatët i emëron dhe të tijtë nuk bzajnë, nga ana tjetër qëndron PD që i hapet me kurajë qytetarëve për të përmbysur Ramën dhe regjimin e tij e për të sjellë ndryshimin. Kori i gërr-mërrsave sot duhet të heshtë përpara këtij hapi guximtar demokracie!"-shprehet Bylykbashi./ CNA.al

Lajmet e fundit nga