Rruga Kardhiq-Delvinë/ Tabaku: Qato, kurbani i një afere që implikon ministra dhe ish-ministra

3 Tetor 2022, 16:09, Politikë CNA

Rruga Kardhiq-Delvinë/ Tabaku: Qato, kurbani i një afere që

Deputetja e Partisë Demokratike, Jorida Tabaku,

Ish-drejtoresha e ARRSH-së, Sonila Qato, u paraqit sot në SPAK, për një kallëzim të bërë në vitin 2019 nga kompania “Gjoka Konstruksion”, e cila e ka akuzuar se ka prishur imazhin e kompanisë dhe ka shkelur ligjin në tenderimin e rrugës Kardhiq-Delvinë.

Lidhur me këtë ka folur deputetja e Partisë Demokratike, Jorida Tabaku, e cila thotë se në të njëjtin vit që është ngritur kallëzimi, PD e ka cilësuar Qaton si kurbanin e një afere korruptive që implikon shumë ministra dhe ish-ministra të qeverive socialiste.

Në një status në rrjetet sociale, Tabaku thotë se ftesa e sotme në SPAK për Qaton është një hap i mire, por i pamjaftueshëm.

“Në politikë kanë rëndësi aktet e jo fjalët, ka rëndësi qëndrueshmëria!

Disa muaj pasi iso-ja e polifonisë së bukur të labërisë është dëgjuar në Rrugën “Kardhiq-Delvinë” duke lëvduar arritjen e qeverisë, një nga personat kyç të kësaj rruge të mbuluar me shumë vendime korruptive thërritet në SPAK.

Asokohe në emër të PD-së kam denoncuar nga selia e partisë se znj. Qato është kurbani i një afere korruptive që qartësisht implikon shumë ministra dhe ish-ministra të qeverive socialiste.

Në atë kohë nga foltorja e PD denoncova se sherri për dy kompanitë ishte tërësisht për qëllime të tjera pa lidhje me ligjshmërinë dhe zbatimin e kritereve.

Të dyja kompanitë qenë në shkelje të kritereve për konkurrencë të ndershme dhe sesi, në atë tender, u përdorën kompani të tjera për të mbuluar përfituesin e vërtetë të tenderit me ofertën më të lartë, 20 milionë euro.

Afërmendsh që me aq shumë shkelje, aq shumë abuzime dhe një skemë që mban era korrupsion ftesa e sotme në #SPAK për zonjën Qato është një hap i mirë, por i pamjaftueshëm.

U kemi parathënë shqiptarëve se skandalet e denoncuara nga PD nga viti 2013 e këndej do të dëshmonin një lidhje simbiotike mes qeverisë socialiste dhe korrupsionit.

Mjafton të ketë vullnet, dedikim dhe disiplinë nga ana e SPAK-ut për t’i shkuar deri në fund dhe dërguar para përgjegjësisë të gjithë ato apo dhe ata që mendojnë se janë mbi ligjin.

Janë qindra miliona euro të keqpërdorura nga taksat e shqiptarëve për të cilat duhet të paguajnë fajtorët përmes hetimeve penale dhe gjithashtu edhe forcat politike që nuk kanë rreshtur së mbrojturi këto afera korruptive.

Këto ditë janë dëshmi se si denoncimet, provat, faktet e proklamuara nga PD kanë qenë fitili që ka ndezur hetimet.

Koha që drejtësia të veprojë dhe dërgojë përpara bankës së të akuzuarve fajtorët për rrugën Kardhiq-Delvinë që është një kryevepër e korruptimit dhe keqpërdorimit të taksave”, shkruan deputetja./ B.A. – CNA.al

Denoncimi në vitin 2019: