web counter
LEXO PA REKLAMA!

SHKARKO APP

App Store
Google Play

Historia e parave ruse shkakton debat në Kuvend/ Berisha zbulon ‘asin nën mëngë’

3 Tetor 2022, 21:20, Politikë CNA
Historia e parave ruse shkakton debat në Kuvend/ Berisha zbulon ‘asin
Sali Berisha dhe Taulant Balla

Historia e financimeve ruse të Lulzim Bashës ka shkaktuar debat në Kuvend mes kreut të grupit Parlamentar të PS-së, Taulant Balla me kreun e PD-së, Sali Berisha.

Berisha distancoi sërish PD-në nga paratë ruse dhe paralajmëroi se ka një dosje që flet për këto financime.

Ai kërkoi që Lulzim Basha të tregojë se kush ia dha paratë, ndërsa theksoi se dosja ruse do të vazhdojë.

“Të nderuar deputetë, ky këtu ngrihet dhe sulmon opozitën. Flet për Partinë Demokratike dhe financimet. Partia Demokratike nuk ka marrë asnjë financim rus, nëse i ka marrë dikush është Lulzim Basha. Edi Rama, njeriu që e dinte se janë financime ruse dhe që i deklaroi Bashës që i ke futur duart në xhepat rusë, bëri gjithçka që t'ja mbyllë dosjen. Kush të dojë të marrë dosjen dhe të shohë se sa qesharake është mbyllja e asaj dosjeje. PD ka ngritur një komision, Basha të tregojë kush ia dha paratë. Ju them një gjë, ekziston një dosje Mitrokhin, të shohë pak Edi Rama se cilin do të gjejë në dosjen Mitrokhin. Do vazhdojë dosja ruse dhe këtu do jemi”, u shpreh ish-kryeministri.

Nga ana tjetër, Balla deklaroi se Berisha duhet ta dërgojë këtë dosje në Prokurori.

“Luli është yti, jo imi. Kallëzimin për Lulin në Prokurori e kam bërë unë. Tani që të doli Luli nga vatha, ti thua e kemi mbrojtur ne. Bëhu burrë dhe kallëzoje në prokurori nëse ke prova, por burrë nuk ke qenë kurrë në këto 30 vite”, theksoi Balla./ B.A. – CNA.al





Lajmet e fundit nga