web counter
LEXO PA REKLAMA!

SHKARKO APP

App Store
Google Play

E fundit!

x

Saimir Korreshi ashpërson tonet/ Lushnjarët po bëjnë 'jetë qeni', dilni shikoni

3 Tetor 2022, 19:56, Politikë CNA
Saimir Korreshi ashpërson tonet/ Lushnjarët po bëjnë
Deputeti i PD-së, Saimir Korreshi

Deputeti i PD-së, Saimir Korreshi, ka ashpërsuar tonet gjatë fjalës së tij në Parlament, teksa ka replikuar ndaj kreut të Grupit Parlamentar të PS-së, Taulant Balla.

Korreshi tha se në Lushnjë qytetarët po bëjnë ‘jetë qeni’ dhe u kërkoi deputetëve të dalin dhe të shohin jetën, situatën atje.

“Kur dëgjoj fjalimet tuaja, them vallai jetojmë në të njëjtin planet a jo? Se me të thënë të drejtën, të vish nga baza dhe të thuash që atje është grurë çdo gjë, vallai ju qofshi. Me të thënë të drejtën se si është situata në Lushnjë dhe më gjerë, duhet të dalim të gjithë dhe të shikojmë se vetëm jetë nuk ka atje, është kthyer në 'jetë qeni'. Shyqyr që erdhi Taulanti dhe e dëgjojnë llafin dhe i japin ndonjë investim, se Lushnja kishte 12 vite dhe nuk ishte prekur ndonjëherë, si duket paska takat dhe forcë Taulanti, gjithsesi.

Falë Zotit që tavani i shkollës ra natën, ky është një problem që të gjithë deputetët e Lushnjës duhet ta dinin. Nuk keni ngulur një kokërr gozhdë aty. Më thoni kush kanë qenë ata inspektorë që shkuan dhe panë atë shkollë në procesin e fillimit të ri shkollor. Keni dërguar dy persona atje për të suvatuar, turp, aty po bien kolonat.

Kthehemi tek pjesa e fermerëve, unë s’kam parë asnjë fermer të lumtur. Ne kaluam periudhën e grurit, të gjitha peripecitë. Të gjithë fermerët kanë dalë në protestë për rrushin, 200 lekë kg, ku është qeveria, vetëm gruri? Po rrushi? Kemi rrezik me këtë situatë të na ngeli rrushi varur dhe preshi përpjetë në arë me këto çmime. Gjithsesi pjesa tjetër e kanalizimeve dhe kullimit, sfidoj këdo këtu meqë çonin ujin dhe njomnin, të shkojmë në njësinë Administrative Dushk, Gramsh, Zhama, në qoftë se shkon pikë uji atje, mund të bëjmë një bast publik dhe të shkojmë bashkërisht atje”, theksoi deputeti./ B.A. – CNA.al





Lajmet e fundit nga