web counter
LEXO PA REKLAMA!

SHKARKO APP

App Store
Google Play

Largimi nga funksionet/ Flet Ahmetaj: Unë dhe PS jemi një

3 Tetor 2022, 21:59, Politikë CNA
Largimi nga funksionet/ Flet Ahmetaj: Unë dhe PS jemi një
Deputeti Arben Ahmetaj

Deputeti Arben Ahmetaj, ka folur sot për vendimin e PS-së që ta heqë edhe nga posti si drejtues politik i qarkut të Vlorës.

Ahmetaj tha se këtë vendim e priti me kënaqësi, ndërsa largimin nga postet si zëvendëskryeministër dhe ministër Shteti për Rindërtimin e cilësoi si një proces të zakonshëm riorganizimi.

Pretendimet e ngritura nga opozita, ai i ka cilësuar si telenovela, ndërsa me çështjen e inceneratorëve deklaroi se nuk ka asnjë lidhje.

“Me shumë kënaqësi. Riorganizimi është normal, ndodh shpesh, ka ndodhur, do të ndodhë, nuk ka ndonjë gjë të re. Unë dhe Partia Socialiste dhe të gjithë kolegët jemi një. Këto janë vetëm telenovela, por si duket nuk ka lajme, ka nga këto lajme kështu, që nuk e ngrefin dhe ndoshta ju kërkoni këto lajmet e vogla që ndoshta e ngrefin. Çfarë lidhje kam unë me inceneratorët. Ato janë vepra në ndërtim, çfarë të ketë lidhje, më thuaj si e lidh ti? Emrin, kanë përmendur edhe tëndin, edhe të të gjithëve. Unë nuk dua t’ia di se kush e përmend emrin tim, nuk është se më emocionon ndonjë gjë. Është çështje që është në diskutim në institucionet përkatëse. Ju doni të bashkoni pika që nuk ekzistojnë”, theksoi Ahmetaj në "Vizion Plus"./ B.A. – CNA.al





Lajmet e fundit nga