web counter
LEXO PA REKLAMA!

SHKARKO APP

App Store
Google Play

E fundit!

x

‘Mbyllja e kolegjit turk, e diktuar nga presidenti turk?'/ Rama: Nuk më jep dot urdhra Erdogan

3 Tetor 2022, 21:33, Politikë CNA
‘Mbyllja e kolegjit turk, e diktuar nga presidenti turk?'/ Rama: Nuk
Presidenti i Turqisë, Recep Tayyip Erdogan dhe kryeministri Edi Rama

Kryeministri Edi Rama u është përgjigjur mbrëmjen e sotme akuzave të ngritura se mbyllja e kolegjit dhe kopshtit turk në Tiranë, ka ardhur për llogari të presidentit të Turqisë, Recep Tayyip Erdogan.

Rama tha në emisionin “Now” me Erla Mëhillin se marrëdhëniet e tij nuk janë në kundërshtim me vijën e politikës së jashtme të Shqipërisë.

Ai pretendon se vendimi për mbylljen e dy institucioneve është marrë duke u bazuar në ligjet shqiptare, pasi deklaroi se Erdogan nuk i jep dot urdhra një vendi sovran.

“Fakti që unë kam marrëdhënie me presidentin e Republikës së Turiqisë, që janë marrëdhënie të afërta miqësore, nuk janë në kundërshtim me vijën e politikës së jashtme të Republikës së Shqipërisë.

E dyta, këtu në Shqipëri ka shumë institucione që i përkasin këtij zinxhiri që po bëjmë diskutime të kota.

Presidenti Erdogan nuk ka dhënë asnjë urdhër dhe nuk jep asnjë urdhër. Nuk e jep dot në një vend sovran. Nuk është urdhër, por një kërkesë, historike.

Nga ana tjetër, ka qenë një kërkesë që është bërë gjithmonë dhe ne ndërkohë, kemi vepruar sipas ligjeve të Republikës së Shqipërisë. Nuk kemi vepruar sipas opinioneve apo spekulimeve që bëhen këtu, por si pas ligjeve të Republikës së Shqipërisë”, theksoi kreu i qeverisë./ B.A. – CNA.al





Lajmet e fundit nga