web counter
LEXO PA REKLAMA!

SHKARKO APP

App Store
Google Play

Akuzat për garën në FRPD/ Këlliçi 'shigjeton' Kokalarin: Njerëzit e marrë s'kanë punë tjetër

3 Tetor 2022, 22:55, Politikë CNA
Akuzat për garën në FRPD/ Këlliçi
Ish-kryetari i FRPD-së dhe deputeti i Partisë Demokratike, Belind Këlliçi

Ish-kryetari i FRPD-së dhe deputeti i Partisë Demokratike, Belind Këlliçi, u është përgjigjur akuzave të aktivistes Evi Kokalari, se gara për zgjedhjen e kreut të ri të të rinjve demokratë ishte me fitues të paracaktuar.

Këlliçi tha në emisionin “Quo Vadis” se zgjedhjet e 1 shtatorit ishin të të njëjtit format me zgjedhjet e mëparshme në FRPD.

Ai shigjetoi Kokalarin, teksa deklaroi se përtej oqeanit ka njerëz të marrë dhe të papunë që nuk kanë çfarë të bëjnë tjetër.

“Ishte i njëjti format, pra u hapën formularët e anëtarësimit nga e para, u futën në regjistër nga e para të gjithë anëtarët dhe u bë një regjistër unik, që kanë qenë diku te 32 mijë anëtarësime dhe kanë votuar 11 900 të rinj, në mos gaboj atëherë.

E vetmja gjë ndryshe këtë radhë që mua më bën përshtypje, se atëherë unë kam pasur me rivalin tim diku te 480 vota në mos gaboj diferencë, kësaj radhe i pari me të dytin ka 3600, i pari me të tretin ka 4000 vota diferencë. Pra, patjetër që duhet parë në aspekte dhe më të gjera, domethënë sa munden parregullsitë të ndihmojnë në process, etj.

Çdo parregullsi, çdo gjë që ndikon dhe ndihmon në përmirësimin e standarteve patjetër të bëhet. Por është hera e parë që e bëjnë vetë të rinjtë e forumit, mos gaboj kanë qenë 170 komisionerë dhe 287 vëzhgues të kandidatëve në të gjithë Shqipërinë. Në asnjë procesverbal nuk ke asnjë komisioner të ketë shprehur një pakënaqësi në 62 degë. Tani se çfarë shkruhet në Facebook, se ka njerëz të marrë përtej oqeanit, psiqik, të papunë dhe nuk kanë me çfarë merren është çështje tjetër”, theksoi deputeti./ B.A. – CNA.al





Lajmet e fundit nga