LEXO PA REKLAMA!

SHKARKO APP

Deputetët e Lulzim Bashës mblidhen para Gjykatës/ Ushtrojnë presion për vulën

4 Tetor 2022, 12:28, Politikë CNA

Deputetët e Lulzim Bashës mblidhen para Gjykatës/ Ushtrojnë

Një pjesë e grupit parlamentar të Lulzim Bashës, kanë shkuar sot para Gjykatës së Apelit dhe kanë bërë "presion", që ky organ të japë një vendim të përshpejtuar për vulën e Partisë Demokratike, duke kërkuar që të shkelin hapat ligjorë dhe procedurat. 

“Ne nuk morëm asnjë informacion, ne morëm një informacion se çështja nuk është çuar fare për gjykim. Po e përsëris nuk jemi të interesuar se te kush te rithemelimi apo pala tjetër, shkon vendimi, ne na intereson vendimi i formës së prerë. Dhe nëse do të shkojë te komisioni i rithemelimit, ne jemi pjesë e PD dhe do të luftojmë si opozitarë dhe kjo është e pakundërshtueshme. Ne jemi për daljen e kandidatëve të përbashkët në zgjedhjet e ardhme. Duhet të votojë jo vetëm anëtarë, por duhet të kemi sa më shumë përfaqësues për të votuar që të dalë kandidati më i mirë.”- u shpreh deputeti Dashnor Sula.

Në fakt, në asnjë vend të botës nuk ka ndodhur që një deputet të kërkojë përshpejtimin e një procesi gjyqësor.

Edhe në rast se mund të përdoret karta "Shqipëria ka drejtësi të korruptuar" apo karta të tjera të ngjashme, në fund të ditës çështje e statusit të PD-së, është një çështje që zgjidhet më së miri edhe brenda anëtarëve të partisë, pa pasur nevojën që ta ndajnë partinë në pjesë.

Gjykata nuk mund të mblidhet dhe të japin gjykime pa radhë, vetëm sepse shkojnë 5 të dështuar të Lulzim Bashës, të cilët nuk vlejnë asnjë votë dhe kërkojnë që çështja të mbyllet sa më parë.

Pushtetet në një shtet sovran janë të ndara dhe secili pushtet bën punën e tij, pasi siç dihet ka ende qytetarë shqiptarë që kanë çështje në gjykata dhe presin prej vitesh që të marrin një përgjigjie për çështjen e tyre. Në fund të fundit, çfarëdolloj vendimi të ndërmarrë gjykata, fraksionet brendapartiake, apo përçarjen e krijuar mes palëve, nuk e mbyll dot. Mbase kjo kërkesë e përshpejtuar nga deputetët "pseudo asnjanës" të Lulit vjen pasi duan të dinë se nga "duhet të hidhen para se të mbyten në anijen e Lulit që po fundoset" dhe duan të dinë se si të veprojnë dhe si të "lundrojnë" të sigurtë brenda partisë./ CNA.al

Lajmet e fundit nga