LEXO PA REKLAMA!

SHKARKO APP

Meta(j) dhe Balliu Junior, thirrje për vrasje dhe Kanun/ Në SPAK qahen se ndihen të kërcënuar

27 Tetor 2022, 12:54, Editorial CNA

Meta(j) dhe Balliu Junior, thirrje për vrasje dhe Kanun/ Në SPAK qahen

Ilir Metaj i është rikthyer temës së ruajtjes së votës.

Njësoj si dikur që i referohej parimeve të Taljonit kur kërcënonte se do t'u pritej dora të gjithë hajdutëve të votave.

Se si shkoi ajo histori tashmë e dinë të gjithë. Askujt në mazhorancë nuk iu pre dora dhe i vetmi që përfundoi në burg si hajdut votash ishte një kandidat i LSI-së me profesion dentist.

Meqë gallata në këtë vend nuk zgjat më shumë se tri ditë, Presidenti i kosoreve dhe sfurqeve u është rikthyer kërcënimeve. Kësaj radhe sipas ish-Presidentit, hajdutët nuk rrezikojnë thjesht dorën, por me sa duket Metaj ka në plan t’u presë kokat.

"Kushdo që do të guxojë të prekë votën e qytetarëve shqiptarë do përfundojë si Musolni me Klaretën. Në rastin tonë është Klareta e 17 majit që u mbyllën atje bashkë dhe…ai është Klareta. E dinë gjithë shqiptarët, demokratët, kanë të drejtë që kanë tmerr nga PL. PL do i kthejë lirinë gjithë shqiptarëve." - tha Meta(j).

Meta(j) dhe Balliu Junior, thirrje për vrasje dhe Kanun/ Në SPAK qahen

Në këtë pikë, pasi dimë si shkoi puna me dentistin e LSI-së, parashikimi për atë që vjen më pas bëhet interesant.

Kur Meta(j) kërcënoi se kush vjedh votën, do t'i pritet dora, i vetmi hajdut doli nga radhët e LSI-së dhe hajduti përfundoi në burg.

Me këtë formulë të një ekuacioni tashmë të zgjidhur, duhet të parashikojmë që kësaj radhe që Meta(j) po kërcënon me prerje koke, i bie që forcës politike që do vjedhë vota do t'i futet në burg kryetari (do t'i pritet koka d.m.th.).

Meqë herën e parë, kur dënimi ishte thjesht prerja e duarve, hajduti u gjet nga radhët e vartësve të atij që kërcënoi, tani që kërcënuesi përsëritës Meta(j) po i referohet kokës, nga ajo formulë ekuacioni, konkluzioni del që koka në pazar do jetë koka e Ilir Meta(j).

Kësaj analize ish-Presidenti nuk mund t’i kundërvihet me shprehje të tipit "Rama ka kapur drejtësinë" sepse nëse ky është fakt i njohur nga Meta(j), si e parashikon ai kësaj radhe që ekuacioni të ndryshojë rezultat dhe të kthehet në prerje koke për Ramën dhe Bashën?

Kërcënimeve të Metës iu bashkua dje edhe Fahriu Juniror, i cili si malësor, zgjodhi t'i referohej Kanunit.

Meta(j) dhe Balliu Junior, thirrje për vrasje dhe Kanun/ Në SPAK qahen

"Ata kanë disa mendime, bashkim s’do të thotë që të mendojnë si ne. Me Kanun, futen në gjak, po pati luftë në atdhe nuk lahet gjaku. Luftohet armiku në fillim. 

Ne jemi për të një interes shqiptar. Për ne ata kanë qenë dhe mbeten deputetë të PD-së, derisa kanë dalë nga votat e demokratëve”, deklaroi Balliu.

Sigurisht që rezultati i ekuacionit të kërcënimeve të Ilir Meta(j), na siguron që asnjë kokë nuk rrezikohet përveç kokës së vetë ish-Presidentit.

Sigurisht që kërcënimit të Fahriut Junior si malësor i vjetër nuk i tutet askush, aq më pak Alibeaj që ka dalë si fis heronjsh.

Por SPAK-u nuk e ka oportunizëm zbatimin e dispozitave të kodit Penal dhe Kodit të Procedurës Penale.

Qarjet e Arben Krajës se edhe ai vetë po kërcënohet, nuk i beson askush dhe nuk mallëngjejnë njeri.

Prokurorët e SPAK-ut paguhen shtrenjtë, edhe sepse në çmimin e punës së tyre u është llogaritur edhe koka.

Ndaj tani nuk mund të justifikohen se po bënë punën, ju rrezikohen këmbët./CNA.al

Lajmet e fundit nga