web counter
LEXO PA REKLAMA!

SHKARKO APP

App Store
Google Play

Morali i Gridës te "Top-Kanali"

11 Nëntor 2022, 14:25, Editorial CNA

Morali i Gridës te "Top-Kanali"

Tri ditë më parë Grida Duma njoftoi dorëheqjen e saj si deputete, dorëzimin e mandatit dhe kalimi në televionin "Top Channel".

Më parë CNA.al dhe shumë media të tjera raportuan se Grida Duma po shkonte si moderatore e emisionit “Top Story”, një emision që e kishte braktisur Sokol Balla, pas një konflikti të fortë me Lori Hoxhën, njërën nga aksioneret e "Top Channel"-it.

Shkuarja e Gridës te "TOP"-i ishte thuajse e papritur, rrufe në qiell të pastër. Sepse Grida fliste për moral, Grida fliste për politikë, Grida fliste për PD-në.

Morali i Gridës te "Top-Kanali"

Demokratët, pa asnjë kontribut e morën nga rruga e bënë zëvendësministre, e kandiduan për Bashkinë e Durrësit, ku humbi, e kandiduan në kryeqytet në Tiranë, në 2017-ën, ku humbi.

Në 2021-shin, gjithashtu, humbi në një nga bastionet kryesore të Partisë Demokratike, në Kavajë.

Humbëse kudo që shkoi.

Tani, edhe pse paguar kaq vite nga paratë e taksave të shqiptarëve, si përfaqësuese politike e PD-së, i braktisi, i hodhi në kosh ata dhe shkoi si moderatore në "Top Channel", për një rrogë shumë të majme disa dhjetëra-mijëra euro.

Por, gjithsesi, morali i Gridës në "Top Channel", apo "Top-Kanal", siç i thotë Ylli Rakipi, ka një këndvështrim mjaft të qartë.

"Top Channel"-i është media ortake e inceneratorëve, media që ka bërë propagandën, zhurmën për inceneratorët, për mbetjet.

Janë pesë kompani që paguajnë fatura muaj për muaj nga kompania e inceneratorëve, në godinën e "Top Channel".

Janë dhjetëra emisione “Top Story”, pikërisht të emisioneve me këtë titull që do të drejtojë Grida Duma, që kanë folur se sa të mirë janë inceneratorët apo se sa i duhen Shqipërisë inceneratorët.

Dhe nga këto kanë përfituar dhjetëra miliona euro nga shitblerja e ortakërisë, Vjollca Hoxha, Lori Hoxha dhe trashëgimtarët e "Top Channel"-it.

Është rasti i Valtelina Cafesë me 2.2 milionë dollarë, kur në fund pas pak vitesh aksionet iu rikthyen Vjollcës, edhe pse paratë i mori.

Pa folur për faturat e tjera që janë miliona euro.

Tani Grida Duma do të shkojë të drejtojë emisionin që bënte propagandën e inceneratorëve, të drejtojë "Top Story"-n.

Tani, Grida Duma do të shfaqet në ekranin që bënte propagandën e inceneratorëve, do të shfaqet në "Top Channel", me ortakët e "Top Channel", me Vjollca Hoxhën e "Top Channel", me Lori Hoxhën e "Top Channel", me aksionerët e Valtelina Cafesë që ishin ortakë me Klodian Zoton e Mirel Mërtirin.

Do të shfaqet me Vjollca Hoxhën që është ortake me Stela Gugallen në një tjetër kompani.

E qartë.

Grida Duma tashmë është në ekranin e ortakëve dhe zërit publik të inceneratorëve. Ky është morali i Gridës në braktisjen e mandatit të deputetes dhe kalimin si moderatore në një media./CNA.al\





Lajmet e fundit nga