LEXO PA REKLAMA!

SHKARKO APP

App Store
Google Play

E fundit!

x

Grida Duma jep dorëheqjen si deputete/ “Joshet” nga "Top Channel"?

8 Nëntor 2022, 10:37, Politikë CNA

Grida Duma jep dorëheqjen si deputete/ “Joshet” nga "Top

Grida Duma në një konferencë për mediat ka njoftuar se do të dorëzojë mandatin e deputetes.

Nga Kryesia e Kuvendit, Duma ka konfirmuar se po e lë mandatin e deputetes.

“Kam dorëzuar shkresën për lënien e mandatit. Pas një reflektimi të gjatë, reflektim që vjen pas një përpjekjeje të gjatë për të bërë të duhurën për partinë time dhe votuesit që përfaqësoj, ky është vendimi i duhur. Mendoj që në politikë fatet e individit vlejnë të konsiderohen dhe rimendohen vetëm kur ato shkojnë në një kahje me fatet e njerëzve dhe vendit, kurrë e kundërta, megjithëse e kanë bërë shpesh të kundërtën. Fati i njerëzve që përfaqësoj është misioni i vetëm që i përgjigjem. Më e thjeshta për mua do ishte të kisha qëndruar të prisja të mos ndodhin dështimet që disa i parashikojnë, siç e di që ka edhe nga ata që presin skutave për shansin e humbur. Mund të qëndroja për të mbijetuar, duke vegjetuar. Shumë vite në politikën e vijës së parë nuk i jam larguar përgjegjësisë dhe as betejës. Sot do t’ju them që ka një gjë që nuk do t'ia fal kurrë politikës, llumi që ndoshta do jetë peng, goditja që më bënin mua në brez, godiste pandërprerë tim bir, nuk e kam falur kurrë dhe as nuk do t’ia harroj politikës së llumit dhe shpresoj të ketë qenë një mësim. Herë pas here dalin me fytyrën e ngrirë sikur po shpikin rrotën. Do t’i shfaqen edhe atij fytyra të atyre të korruptuarve të nginjur”, tha Duma.

Dje u raportua se Grida Duma, do të shkonte në "Top Channel" me një emision "Prime Time", dy herë në javë, të hënë dhe të enjte.

Mandati i Grida Dumës i kalon Ori Nebiajt, pasi në zgjedhjet e 2021-shit ka siguruar 5599 vota preferenciale.

Por ende nuk dihet nëse Nebiaj do ta pranojë mandatin, pasi edhe ajo është pjesë e televizionit "Top Channel"./CNA.al

Lajmet e fundit nga