web counter
LEXO PA REKLAMA!

SHKARKO APP

App Store
Google Play

Petrit Doda, zëvendësues i Rushajt/ Ironizon Patozi: Të paktën të falënderojë Murrizin

7 Nëntor 2022, 21:42, Politikë CNA
Petrit Doda, zëvendësues i Rushajt/ Ironizon Patozi: Të
Ish-koordinatori i Bindjes Demokratike, Astrit Patozi

Ish-koordinatori i Bindjes Demokratike, Astrit Patozi, ka reaguar pas dorëheqjes së deputetit Alfred Rushaj, i cili pritet të zëvendësohet në Parlament nga biznesmeni Petrit Doda.

Patozi thotë se nëse do të ishte në fuqi Kodi Elektoral i para zgjedhjeve, Dodës do t'i vinte radha të hynte në Kuvend, pasi të dorëzonin mandatin të gjithë deputetët e foltores dhe të antifoltores së bashku.

Ai deklaron se pa kontributin e Bindjes Demokratike nuk do të hapeshin realisht listat e deputetëve.

Me tone ironike, ai shprehet se të paktën Doda duhet të falënderojë Myslim Murrizin si bashkautor të nismës së hapjes reale të listave.

“Të paktën të falënderojë Myslim Murrizin

Këtë deputetin që do të zëvendësojë Alfred Rushajn në grupin parlamentar të Partisë Demokratike nuk e njoh, por mora vesh se paska qenë numri 32 i listës së Lulit dhe Doktorit në zgjedhjet e 25 prillit.

Petrit Doda, zëvendësues i Rushajt/ Ironizon Patozi: Të

Nuk e si se sa dijeni ka ai, por kjo arritje do të ishte e pamundur pa kontributin e Bindjes Demokratike, që rrëzoi herësin e Rama-Bashës dhe i hapi realisht listat e deputetëve, pasi e dërgoi çështjen në Gjykatën Kushtetuese. Që do të thotë se atij i binte radha të hynte në Kuvend, pasi të dorëzonin mandatin të gjithë deputetët e foltores dhe të antifoltores marrë së bashku, nëse do të ishte në fuqi Kodi Elektoral i para zgjedhjeve.

Dhe nëse për ne mund ta ketë pak të vështirë të prononcohet për shkak se mund t'i konsiderohet njollë në biografi, të paktën të falenderojë Myslim Murrizin, të cilin e ka brenda partisë, sepse me të kemi qenë bashkëautorë në nismën e hapjes reale të listave”, shkruan Patozi./ B.A. – CNA.al





Lajmet e fundit nga