web counter
LEXO PA REKLAMA!

SHKARKO APP

App Store
Google Play

E fundit!

x

“Baza nuk është aq e përçarë”/ Këlliçi: Do të pres deri në fund bashkimin e demokratëve

7 Nëntor 2022, 14:43, Politikë CNA
“Baza nuk është aq e përçarë”/
Deputeti Belind Këlliçi

Deputeti dhe kandidati i Primareve që kërkon të garojë për Bashkinë e Tiranës, Belind Këlliçi, ka deklaruar se baza e PD-së nuk është aq e përçarë, sa grupi parlamentar i saj.

I ftuar në emisionin “Pikat mbi i”, Këlliçi tha se ka disa parime të rithemelimit të PD-së, që janë të panegociueshme megjithatë deri në momentin e fundit do të presë për bashkimin e demokratëve.

“Nuk besoj se PD ka atë valencë përçarjeje, sa është në grup parlamentar dhe në bazë, në bazë nuk e ka këtë frakturë kaq të madhe, edhe pse besoj fort që në këtë garë PD-së i duhet qoftë dhe një votë. Nëse ata janë kundër primareve në parim, cila është mënyra më e mirë që të gjetur një kandidat? Gjykoj se disa parime për të cilat u rithemelua PD, janë parime të panegociueshme dhe nuk mund të shkelen. Gjykoj se prapë ka kohë për të gjetur një gjuhë të përbashkët dhe për të qenë bashkë.

Gjithçka që ndodh me politikat lokale apo të qeverisjes, vijnë për shkak të një vizioni, dhe nuk po them se është një përballje politike mes Berishës dhe Ramës, por është përballje për qytetin. Të qenurit Veliaj kandidat i PS-së është emërues i përbashkët për të gjithë kampet, për të qenë bashkë. Unë do shtyj deri në moment të fundit mundësinë për të qenë bashkë. Gjykoj se është momenti që të ketë një koalicion shumë të madh, kjo është formula fituese. Çdo demokrat gjykoj se këtë ka interes të përbashkët. Do të bëj gjithçka për të dalë të unifikuar në këtë përballje elektorale”, u shpreh ai./ CNA.al





Lajmet e fundit nga