E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Berisha, akuza Ramës/ Në Kosovë po shihet si patriot, por i futi thikë pas shpine shqiptarëve

6 Nëntor 2022, 22:57, Politikë CNA

Berisha, akuza Ramës/ Në Kosovë po shihet si patriot, por i futi

Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka hedhur mbrëmjen e sotme akuza ndaj kryeministrit Edi Rama, teksa është rikthyer edhe njëherë tek fjalimi i kryeministrit Edi Rama në Këshillin e Evropës.

Berisha tha në emisionin “Kojshia Show” se pavarësisht se në Kosovë po shihet si patriot, ai fjalim ishte thikë pas shpine për shqiptarët.

Sipas tij, Rama dëmtoi të katër udhëheqësit politikë që ndodhen në Hagë nën akuzë për krime lufte.

“Si mund ta përkrah unë atë. Ajo ishte një thikë e vërtetë pas shpine për Kosovën. Në bindjen time më të thellë, dëmtoi të katër udhëheqësit politikë që ndodhen në Hagë. ty foli jo si një kryeministër i një vend anëtar i Këshillit të Evropës, jo si një kryeministër i një vendi anëtar të NATO’s, por sikur të ishte vëlla sijamez me Gadafin. Duke deformuar realitetet. Ku kishte të drejtë Edi Rama? Ai kishte një të drejtë, cila ishte ajo? Shqipëria u akuzua në raporton e Dick Martyt se në territorin e saj ka patur banesa ku janë bërë ndukje organesh, më keq, shkulje organesh, për trafik organesh. Shqipëria këtë duhej ta hiqte. Shqipëria e hoqi”, u shpreh ai.

Kreu i PD-së pretendon se deklarata e kreut të qeverisë nuk e bënë Kosovën të fitojë asgjë përveç fryrjeje të borive folkloriste.

“Çfarë ndihme pati Kosova, përveç folkloristëve që thanë ‘mirë ia bëri, ia tha e s’ia tha’? A duam ne që Kosova të anëtarësohet në KiE apo duam t’u biem borive folkloriste. Ky është me kompleks. Duke e ditur tradhtinë që i ka bërë dhe i bën ndaj Kosovës, duke e ditur damin kolosal që i bën asaj me “Ballkanin e Hapur”, ky mendon se duke u veshur pa kontrollë, po vesh qyrkun e patriotit. Të besoj që Edi Rama është patriot është njëlloj si të besosh se eskimeztë janë banorë të shkretëtirës”, theksoi Berisha./ B.A. - CNA.al