web counter
LEXO PA REKLAMA!

SHKARKO APP

App Store
Google Play

E fundit!

x

Primaret/ Mbyllet regjistrimi i kandidatëve për Tiranën dhe Elbasanin, PD shtyn afatin për Durrësin

6 Nëntor 2022, 20:00, Politikë CNA
Primaret/ Mbyllet regjistrimi i kandidatëve për Tiranën dhe
Foto ilustruese

Mbyllet procesi i regjistrimit të kandidatëve për primaret e Partisë Demokratike në Tiranë dhe Elbasan.

Komisioni i Organizimit dhe Kontrollit të Operacioneve Elektorale (KOKOE) njofton se për Durrësin do të shtyhet ky proces deri në datë 8 nëntor, ora 20.00.

Ky vendim është marrë pasi sipas PD-së, interesi për primaret është shumë i madh.

Ndërkohë, shpallja e kandidaturave do të bëhet ditën e hënë.

“Duke pasur parasysh interesin e lartë të mediave dhe qytetarëve, Komisioni i Organizimit dhe Kontrollit të Operacioneve Elektorale (KOKOE) pranë Partisë Demokratike, sqaron si më poshtë vijon:

Bazuar në informacionin e deritanishëm të ardhur nga Sekretariati i Organizimit, KOKOE njofton që procesi i marrjes së propozimeve nga anëtarësia për kandidatë për zgjedhjet vendore 2023, si dhe procesi i regjistrimit të simpatizantëve në të gjitha degët e PD, ka vijuar intensivisht.

Interesi për Primaret është shumë i madh.

Sot, datë 6 nëntor 2022, ora 20.00 mbyllet procesi i marrjes së  propozimeve dhe vetëkandidimeve plr degët Tiranë dhe Elbasan. Për degën Durrës, KOKOE ka vendosur që ky proces të shtyhet deri në datë 8 nëntor 2022, ora 20.00.

Pas orës 20.00, degët e Tiranës dhe Elbasanit do të depozitojnë fitikisht pranë KOKOE, informacionin për kandidaturat e propozuara në degët përkatëse së bashku me dolumentacionin e dorëzuar pranë tyre në bazë të vendimeve Nr. 11 dt 24.10.2022 dhe Nr. 12 dt 27.1.2022  të cilat dorëzohen pranë KOKOE në selinë qendrore të PD,

Pas shqyrtimit të dolumentacionit të arshur nga degët, KOKOE do të bëjë publike emrat e kandiduar/vetëkandiduar ditën e hënë.

KOKOE gjen rastin të falenderojë të gjithë kandidatët e propozuar dhe vetëpropozuar që u bënë pjesë e primareve si ushtrimi më i madh i demokracisë së një Partie polike si dhe të gjitha strukturat e  degëve të PD për angazhimin në organizimin e takimeve në seksione/grupseksione për marrjen e kandidaturave”, thuhet në njoftim./ B.A. – CNA.al





Lajmet e fundit nga