LEXO PA REKLAMA!

SHKARKO APP

App Store
Google Play

E fundit!

x

Nga Elvi Fundo/ Kur do të protestojnë Luli Basha dhe “gazrat” e tij

13 Nëntor 2022, 11:17, Editorial Elvi FUNDO
Nga Elvi Fundo/ Kur do të protestojnë Luli Basha dhe
Foto ilustruese

Opozita organizoi dje një protestë në Tiranë. Kreu demokrat, Sali Berisha, dhe ai i Partisë së Lirisë, Ilir Meta, e shumë parti të tjera aleate si, Dashamir Shehi, Agron Duka, Fatmir Mediu e të tjera, bënë thirrje për pjesëmarrje masive në protestë.

Protesta filloi rreth orës 16:00, zgjati rreth tri orë, 22 folës, mesazhe të forta, një gomone që u çua nga të rinjtë e FRPD-së te Kryeministria, qirinj në fund në shkallët e godinës ku drejton Edi Rama, për Ardit Gjoklajn, për jetët e të rinjve që kanë humbur duke akuzuar qeverinë dhe shtetin në këto 9 vite.

Nga Elvi Fundo/ Kur do të protestojnë Luli Basha dhe
Pamje nga Protesta e opozitës

Një protestë që në fund pati dhe reagime, kuptohet nga më të ndryshmet, që nga ato të zyrtarëve socialistë për rubla, të cilët në fakt ishin trembur jo pak, pasi gjatë gjithë javës ngritën tonet dhe propagandën e tyre, apo "të zhgënjyerit”, që thanë pse nuk pati dhunë, të cilët prisnin më shumë sesa ajo që ndodhi, apo ata që kërkonin që njerëzit të qëndronin aty, dhe të tjera si këto.

Në fakt protestat i bëjnë mirë vendit, i bëjnë mirë dhe qeverisë, edhe opozitës. Ishte një ushtrim që tregoi se kush e ka shumicën, kush e ka opozitën e vërtetë.

Dje u rikonfirmua se opozita e vërtetë është Berisha dhe Ilir Meta. Dje u konfirmua se Berisha është kryetari i Partisë Demokratike dhe se ai ka shumicën dhe ka demokratët me vete. Ai mbush bulevardin.Për ata të cilët thonë se ishin pak, ishin 10 mijë, ishin 7 mijë, ishin 20 mijë, ka thjeshtë dhe vetëm një përgjigje.

Nga Elvi Fundo/ Kur do të protestojnë Luli Basha dhe
Sali Berisha dhe Ilir Meta në Protestë

Protestat tregojnë forcën e opozitës. Ajo është forca e opozitës, është dhe më e madhe sesa aq, sepse ka dhe njerëz indiferentë që nuk shkojnë të marrin pjesë në protestë. Më pas gjithçka lexohet te kutitë e votimit kur ka zgjedhje.

Për ata që pretendojnë se ka një opozitë tjetër apo një format tjetër opozitar ka thjesht dhe vetëm një përgjigje, përfshirë këtu Lulzim Bashën dhe të tijtë, Enkelejd Alibeajn, Gaz Bardhin, Agron Gjekmarkajn, apo edhe Grida Dumën, e cila ishte e munguara e madhe e protestës dje, pasi kjo ishte protesta e dytë pa zërin melodioz të Lulzim Bashës, kur këndon himnin, dhe fotot me puthje dhe përmallim të Grida Dumës.

Nga Elvi Fundo/ Kur do të protestojnë Luli Basha dhe
Sali Berisha në protestë

Përgjigjja është shumë e thjeshtë. Në rast se kanë forma të tjera dhe janë një opozitë më e madhe sesa ajo e Sali Berishës mund të dalin në protestë dhe të na tregojnë se çfarë mund të bëjnë dhe si dinë ta bëjnë, cila është mënyra që ata e bëjnë.Në rrjet pati reagime të forta. Shumë demokratë donin të qëndronin më shumë, të tjerë thoshin ishte sukses, disa dështim, e kështu me radhë, dhe debatet e zakonshme që shoqërojnë ngjarje të tilla politike.

Por përfundimi është mjaft i thjeshtë.

Në rast se kemi një opozitë tjetër, një grupim tjetër më të fortë, më të madh, më të fuqishëm që shkon në shesh dhe e rrëzon Edi Ramën brenda ditës, le të dalë dhe të shfaqet. Le të presim Lulzim Bashën dhe të tijtë të organizojnë një protestë. Le të shkojë Lulzim Basha në shesh, le të shohim se çfarë do të bëjë.

Për ata që ëndërrojnë se Luli i bënte më të shumta dhe të shpeshta protestat mund t’u themi vetëm një fjali. Sërish ato protesta nuk ishin të Lulit, ishin të Berishës.

Nga Elvi Fundo/ Kur do të protestojnë Luli Basha dhe
Foto ilustruese

Në shesh shkonte Berisha, shkonin njerëzit që e mbështesnin, shumica e Partisë Demokratike. Lulzim Basha është askushi në PD, nuk është as pakicë, është thjesht dhe vetëm një individ që mbahet pas disa mandateve, shumicën e të cilave i ka shitur apo i ka dhënë në mënyrë korruptive.

Prandaj dhe rruga për të dhënë një zgjidhje përfundimtare përgjigjes cila është opozita e vërtetë pas protestës së djeshme të Berishës dhe Metës është një.

Lulzim Basha të organizojë protestën e tij bashkë me të tijtë, me Gaz Bardhin, me Lefter Gështenjën, me Agron Gjekmarkajn, apo edhe me analistë të dënuar si mashtrues apo kllounë politikë që vijnë vërdallë ekraneve mediatike shqiptare.

Nga Elvi Fundo/ Kur do të protestojnë Luli Basha dhe
Foto ilustruese

Është shumë e thjeshtë, protesta e radhës të njoftohet nga Luli, të shohim sa njerëz ka, si qëndron te Kryemnistria, si e rrëzon Ramën brenda ditës, dhe kështu kuptojmë të ardhmen politike të opozitës në Shqipëri pasi këtë aktualen e dimë dhe e shohim mjaft qartë./ CNA.al

 

Lajmet e fundit nga