web counter
LEXO PA REKLAMA!

SHKARKO APP

App Store
Google Play

E fundit!

x

Meta ‘qan’ sërish buxhetin/ Bën si i shqetësuar për paratë e qytetarëve

12 Nëntor 2022, 18:29, Aktualitet CNA
Meta ‘qan’ sërish buxhetin/ Bën si i shqetësuar
Kreu i Partisë së Lirisë, Ilir Meta

Kreu i Partisë së Lirisë, Ilir Meta, është ankuar sërish për buxhetin e qytetarëve në protestën që po zhvillohet para Kryeministrisë.

Meta tha se miliardat e buxhetit grabiten me koncesione, PPP e tendera sekrete me dhjetfishin e çmimit dhe asnjë lek nuk shkon për qytetarët.

“Përse vaji, mielli, buka, ushqimet bazë të mbijetesës janë shumë më të lira në Maqedoni e Kosovë sesa në Shqipëri? Përse qytetarët e Peshkopisë, e Maqellarës, apo të Pogradecit i blejnë ushqimet në Maqedoninë e Veriut, ku janë shumë më lirë edhe pse pagat atje janë shumë më të larta sesa këtu.

Sepse miliardat e buxhetit grabiten me koncesione, PPP e tendera sekrete me dhjetëfishin e çmimit dhe asnjë lek nuk shkon për qytetarët. Sepse qindra milionë euro të ardhura që vijnë nga rritjet e çmimeve, gllabërohen nga PPP pa fund dhe asnjë lek ndihmë nuk u jepet qytetarëve. Mbi shpatullat e qytetarëve bie pesha e borxhit shumë të rëndë publik që ka arritur gati 14 miliardë euro, që po e çon vendin drejt greminës financiare. Në vitin 2013 borxhi publik ka qenë 62.4%, ndërsa sot, është 107%.

Nëse Maqedonia e Veriut e shlyen borxhin e saj me 1 vit eksporte, në Shqipëri nevojiten 13 vite eksporte, sepse ky merr borxhe për të shlyer borxhe, që ky të fluturojë në luks dhe shqiptarët të zhyten në mjerim.

Qeveria e kapur për gryke nga oligarkët dhe mafia po bën gjithçka që të asgjësojë prodhimin vendas me taksa të reja dhe akciza të jashtëzakonshme dhe po godet pa mëshirë shtresën e mesme, që t'i dobësojë e t'i detyrojë të largohen nga vendi”, theksoi kreu i PL-së./ B.A. - CNA.al

Protesta live në CNA





Lajmet e fundit nga