web counter
LEXO PA REKLAMA!

SHKARKO APP

App Store
Google Play

E fundit!

x

“Nuk dorëzohem”/ Renis Gjoka: T’i japim edhe një shans vetes

12 Nëntor 2022, 17:46, Aktualitet CNA
“Nuk dorëzohem”/ Renis Gjoka: T’i japim edhe një
Kantautori Renis Gjoka

Kantautori Renis Gjoka, ka cekur fenomenin e largimit të shqiptarëve në protestën që po zhvillohet para Kryeministrisë.

Gjatë fjalës së tij, Gjoka tha se nuk do të dorëzohet, ndërsa kërkoi që shqiptarët t’u japin edhe një shans të rinjve.

Fjala e kantautorit:

Nuk mendoja që një ditë mund të ngjitesha në një podium pranë kryeministrisë e të flisja përpara kaq shumë njerëzve për shqetësime që na prekin të gjithëve, të cilat i diskutojmë cdo ditë me miq në fakt.

Ndjesia është e çuditshme, por është gjithashtu çliruese për vetë faktin se edhe ju mendoni njësoj si unë. Njësoj si ju, edhe unë mendoj se në këtë vend, gjërat nuk shkojnë ashtu siç duhet. Nuk po them që kemi qenë vendi me perfekt në botë, por tani po ndihen në ajër problemet. Poshtërsi dhe skandale të cilat zëvendësojnë njëra-tjetrën në kohë rekord. Por mbi të gjitha këto kohë kam vënë re një dozë të jashtëzakonshme të shtuar të stresit, ankthit, pasigurisë për të ardhmen, e kryesisht venitjes së shpresës. Këtu fillon e bëhet serioze situata. Personalisht, mund t'ja lejoj vetes të gjitha uljet e goditjet që jeta më jep, sepse fundja fundit kështu është jeta, të shkund herë pas here. Por vetëm një gjë nuk ia lejoj kurrë, t'më ulë deri në atë pikë saqë të më bëjë të dorëzohem. Nuk kam për ta bërë kurrë sepse e para besoj në Zot dhe e di që e kam në krah gjithmonë, dhe e dyta besoj në një shans tjetër që do më jepet. Pra me pak fjalë kam gjithmonë shprese. Shpresë jo kot në ajër, por të bazuar te forcat e mia dhe tek ideja që nëse do të ndryshojë dicka, duhet të jem unë ai i cili duhet ta bëjë përpjekjen e parë.

Për fat të keq, kohët e fundit, jo të gjithë po e mendojnë keshtu si unë. Kohët e fundit shpresa po venitet. Shumë nga ne janë dorëzuar. Dorëzim demonstrativ. Dorëzim pa kushte. Tregues kryesor janë gati 1 milion shqiptarë që kanë ndërruar prefiksin në nr. e telefonit vetëm këto pak vite të fundit. Kanë ikur jashtë. Nuk janë zonja dhe zotërinj të nderuar të moshës së tretë. Jo se këta nuk duan, por nuk i pranon njeri. Janë mosha jonë, janë biles edhe brezi më i ri. 18 - 20-vjeçarë që janë 'full of energy' e nuk e nxjerrin dot më këtu në vendin e tyre. Duan të kontribuojnë, vlojnë përbrenda të shpalosin vitalitetin e tyre në këtë vend, dikush me fuqinë e tij fizike, dikush me atë intelektuale. Por e shohin që nuk ia vlen.

Pjesa më e madhe e miqve të mi, sot janë larguar. Pjesa më e madhe e fisit tim, njerëzve të gjakut tim, janë jashtë këtij vendi. Pjesa më e madhe e shqiptarëve kanë ndërtuar jetën jashtë Shqipërisë së tyre. Ky është realiteti. Një realitet, i cili nuk mbulohet dot me propagandë e fjalë të cilat jo vetëm që nuk të bëjnë t'i besosh, por të fyejnë inteligjencën. Fjalë tallese qe te neperkembin dinjitetin. E njeriu pa dinjitet eshte me shume se i dorezuar. Ne fakt mos t'ju duket habi. Ky eshte qellimi i tyre. Te dorezohemi pa kushte, deri ne ate pike sa mos te kemi fuqi te ngrejme as koken per t'i pare ne sy ata qe na poshterojne.

Ndoshta disave mund t'i duket klishe kjo qe po them, por une vertete besoj akoma dhe nuk dorezohem per arsyet qe ju thashe me lart. Nese duam qe te ulim koken neser perpara femijeve tane kur te na pyesin pse nuk luftuat per ne, atehere shperndahemi qe tani, perndryshe, do te doja shume qe t'i japim dhe nje here nje shans vetes tone per brezin e ri. Per ata qe momentalisht jane te pafuqishem per te reaguar. Per ata qe do na shohin ne sy neser e do na perbuzin per shansin qe kishim per te ndryshuar jeten tyre, dhe nuk e beme.

Me Zotin ne krah e me koken lart, le ti japim dhe nje here mundesine vetes, qe neser kur te perballemi me femijet tane te bere burra e gra, te na thone Faleminderit!/ B.A. - CNA.al

Protesta live në CNA





Lajmet e fundit nga